Егоизмот на сместувачкиот и угостителски комплекс ,,Парк” ги брка туристите од Охрид, велат туристи кои не можат да ја издржат дневната бучава на плажата на легендарното туристичко место на охридската ривиера.
Никогаш повеќе Горица и Парк, вели семејство кое утринава си заминало од омиленото место каде повеќе од 20 години со децата доаѓало на плажа во Горица.
Причина за разочараноста е огромната бучава во ,,Парк Голден Бич” плажата во текот на денот која што според туристите е опасна по јавното здравје.
,,Едниот син има аудио траума од огромната јачина на звучниците на плажата во Парк. Мораме да ги тргнеме децата од местото каде што можат да оглуват”, вели револтирана мајка која по само три дена се сели на друга дестинација.
Дојдовме да уживаме во мирот и убавината на Охридското езеро а сега мора да си одиме затоа што јачината на музиката е опасна по здравјето.
Општина Охрид која е надлежна за контрола за нарушување на јавниот ред и мир во смила на нарушување на животната средина не одговорила на барањето на туристите кои се пожалиле на бучавата која достигнувала и до 100 децибели.
Туристите со помош на апликации за мерење на јачина на звук измериле 100 децибели околу 14.30 часот.
На фотографијата која ја испратија до редакцијата на expres.mk се гледа дека силината на звукот која снимена на стотина метри од изворот на музиката односно звучниците во Парк е 90 децибели.
Ова ниво на звук е опасно за слухот на човек и може да предзвика тешко оштетување на здравјето.
Ова е особено опасно за младите луѓе кои се во непосредна близина на звучниците кои во најлошо сценарио може да доведе до целосно губење на слухот ако се изложени подолго време на прегласна музика.
Мерењето на децибели (dB) е стандарден начин за одредување на нивото на бучава (звук). Во контекст на охридските плажи и угостителски објекти, се мери во dB(A) – А-пондерирана скала, која најдобро одговара на човечкиот слух.
Мерењето според прифатената методологија се прави на одредено растојание од изворот (обично во близина на рецепторот – луѓе на плажа или во соседство).
Апликации како Decibel X, Sound Meter, NIOSH Sound Level Meter и слични можат да дадат приближна вредност но не се валидни за казна или судска постапка и служат само како индикатор.
Дозволени нивоа во Македонија според Правилникот за гранични вредности на нивото на бучава во животната средина и Законот за заштита од бучава во животната средина зависат од степенот на заштита на подрачјето и периодот од денот:
Плажите и туристичките зони во Охрид спаѓаат во I степен на звучни зони.
За јавни настани/концерти има посебни граници (до 85 dB(A) еквивалентно, макс. 110 dB(A)) но тоа не важи за дневните настани.
Одговорни за мерење и за поднесување пријави се општински инспектори за животна средина во општина Охрид + акредитирана лабораторија.
Граѓаните можат да пријават и до Државниот инспекторат за животна средина или МВР за нарушување на јавниот ред и мир).
Во минатото на охридските плажи биле измерени вредности и над 80–90 dB(A), по што биле издавани опомени, мандатни казни и прекршочни пријави.