Натаму гласноговорникот на владејачката македонска партија истакнува: Дознаваме од свиркачи дека на 6 август 2926 година во 16 часот и 40 минути Филипче е виден со својот мотор на граничниот премин Богородица. Потоа се упатил кај неговиот ментор Заев во Паљури на 6 дена одмор. Не му требаше многу на предавникот Филипче за да отиде кај неговиот другар по криминал и предавства, Заев, за заедно да уживаат на скапата јахта и од морската шир во Грција да делат насоки за дејствување на неговите пајташи.
Додека Филипче тера ќефови, ужива по скапите јахти со Заев на Егејот, во Македонија го остави најдолниот слој од талогот на СДС со јасни насоки да шири хистерија, паника и страв кај граѓаните и тоа за водата за пиење. Толку од “грижата” на Филипче за граѓаните. Кога Заев ќе го повика, за него целиот свет застанува.
Водата во Скопје е безбедна, а оние кои намерно ширеа дезинформации и паника меѓу населението, очекуваме од МВР и ЈО да бидат повикани, нагласува портпаролот на ВМРО ДПМНЕ Валентин Манасиевски преку општествената мрежа.