Претседателот на Владата на Република Македонија Христијан Мицкоски денес ќе учествува во поставувањето камен- темелник за нова спортска сала во Воената академија “Генерал Михајло Апостолски” во Скопје. Финансиер на проектот е Министерството за спорт со 64,8 милиони денари.
На овој настан ќе бидат присутни и министрите за одбрана и спорт Владо Мисајловски и Борко Ристовски. По завршувањето на изградбата спортската сала ќе биде предадена на Министерството за одбрана за постојана употреба, заради тренинзи за студентите на Воената академија. Ќе бидат предвидени и одредени термини за учениците и граѓаните на Општина Аеродром.
Предвидено е по поставувањето на камен- темелникот на салата премиерот Мицкоски да даде изјава за медиуми.” – соопштија од владината прес-служба.