Македонија

„Националната алијанса за интеграција“ на Ахмети и АА на Таравари и Села изготвува „Заедничка албанска плаформа“ за „зачувување на албанскиот идентитет“!

Се „забревтува“ предизборната пропаганда на Али Ахмети, Арбен Таравари и Зијадин Села: како и пред секои избори и овојпат ќе се игра на „добро проверената политичка карта“: „албанската национална кауза“ и „загрозеноста на Албанците“!

1 минута за читање

Генералниот секретар на Албанската национална алијанса за интеграција Блеранд Рамадани во емисијата Рубикон на ТВ Клан Косово ги објави првите три точки од седумте точки, кои се очекува да ги има „Заедничката албанска платформа“ на коалицијата „Национална алијанса за интеграција“, во која членуваат ДУИ на Али Ахмети и крилото во АА на Арбен Таравари и крилото во АА на Зијадин Села. Ова го објави весникот на албански јазик „Коха“.

Весникот натаму наведува: „Постои консензус и тоа го оправдува нашето дејствување како Алијанса за Албанците зошто ја напуштивме Владата и зошто се приклучивме на заедничкиот албански фронт што ќе се нарече Национална алијанса. Претходно ја нагласив потребата тамошните Албанци да се соберат околу заедничка платформа. Досега претставивме три точки на Заедничка албанска плаформа: првата е зачувување на националниот идентитет и на традиционалните албански вредности, втората е економски развој и третата е образованието и културата.“ – изјави Блеранд Рамадани.

„Тој додаде дека се на прагот на подготовка на точките 4, 5, 6 и 7 од Заедничката албанска плаформа. Рамадани рече дека ова е политичка ориентација што ќе се материјализира преку извршните институции и општините.“

Најнови вести од: Македонија

Димитриевски: „Да“ за Европа, но европски пат со заштита за македонскиот идентитет и без отстапки кон Бугарија!

Лидерот на ЗНАМ предлага парламент со 90 пратеници како дел од пошироки изборни реформи. Истовремено бара заштита на македонскиот идентитет и европски пат без отстапки кон Бугарија.

ТВ Алфа: ДУИ е како расипана плоча – национализмот и повторното разгорување меѓуетнички тензии им е последното прибежиште!

„ДУИ е како расипана плоча, на која е снимен само национализам и обид за разгорување на меѓуетнички тензии. Повторно исти закани, сега поради одлуката на Уставниот суд, дека законските измени за Сејф сити биле уставни. Првиот уставен судија Дарко Костадиновски во своето образложение кажа дека СМС- пораките од системот Безбеден град, треба да испраќаат само на македонски јазик, додека можат и на англиски за странци кои ќе сторат прекршок, но не и на албански.“ – објави ТВ Алфа.

Мицкоски: Ние сме Влада, избрана од народот, и се однесуваме во корист на граѓаните – нафтените деривати поефтинуваат денес за околу 2,5 денари!

За околу 2,5 денари по литар се очекува да бидат намалени цените на нафтените деривати во земјата, откако Владата и Министерството за енергетика, рударство и минерални суровини договорија попуст со најголемиот снабдувач, компанијата ОКТА, информира денеска претседателот на Владата на Република Македонија Христијан Мицкоски.

Лишен од слобода М.Р. (18), кој испраќаше закани дека ќе постави бомби и ќе убива во средното медицинско училиште во Тетово!

Вчеравечер, на 12 март 2026 во СВР Тетово, неколку професори од Средното медицинско училиште „Никола Штејн“ во Тетово, пријавија дека добиле информации од родители на ученици, оти М.Р. праќал пораки до учениците, заканувајќи се дека ќе постави бомби и ќе изврши убиства во училиштето.

Специјалната противтерористичка единица „Тигар“ – 45 години во служба на безбедноста на татковината Македонија и граѓаните, симбол на врвна професионалност и храброст!

„Денеска одбележавме 45 години од создавањето на Специјалната антитерористичка единица „Тигар“ – симбол на професионалност, храброст и врвна подготвеност на македонската полиција, напиша на фејсбук министерот за внатрешни работи Панче Тошковски.

На Параолимписките Зимски Игри Милано Кортина 2026, „Победничката селфи – фотографија“ достигна нов пресврт

„Победничката селфи – фотографија“ (Victory Selfie) го трансформираше искуството на церемониите за доделувањето на медали преку фотографиите што самите спортисти ги доловуваат и ги споделуваат низ целиот свет, брзо станувајќи култен културен момент на Олимписките и Параолимписките Игри.

Скандал: Лога го навреди претседателот на Уставниот суд Костадиновски дека е „имбецил“ и оти има „умерена интелектуална попреченост“!

„Имбецил! *Историски гледано, технички термин за умерена интелектуална попреченост!“ – напиша Кренар Лога од ДУИ, поранешниот министер за правда, во својата скандалозна објава на фејсбук за претседателот на Уставниот суд д-р Дарко Костадиновски, објавувајќи ја и неговата фотографија во судиската тога. Тешките навреди на Лога кон Костадиновски се и дел од остриот напад на неговата партија ДУИ, која вчера се огласи со соопштение и тврдење во него дека е „дискриминација и кршење на духот на Уставот ставот, според кој смс-пораките од системот ‘Безбеден град’ треба да се испраќаат само на македонски јазик, додека може да се испраќаат и на англиски, но не и на албански јазик.“. Ова е ставот на првиот човек на Уставниот суд Костадиновски. „Со оваа постапка претседателот на Уставниот суд ги надминува своите надлежности и брутално интервенира во правниот поредок и во меѓуетничките односи во државата.“ – тврдеше ДУИ, а напоредно со неа и Лога се огласи со својата екстремно тешка и навредлива квалификација за Костадиновски дека е „имбецил“.
Сите вести од Македонија

Најнови вести

To top