Бизнис

Се намалува делот од платата за плаќање рати – Народна банка со построги правила за кредитите

Од 1 декември се намалува максималниот рок за отплата на станбените кредити од 30 на 25 години, а на хипотекарните потрошувачки кредити од 20 на 15 години, соопшти Народна банка откако ги усвои измените на правилата за кредитирање.

2 минути за читање

Граѓаните во иднина ќе може потешко да се задолжуваат до самиот лимит на своите приходи. Народната банка донесе нови правила со кои се намалува делот од месечната плата што може да оди за отплата на кредити, а се скратува и рокот за враќање на дел од заемите. Најпросто кажано, ако некој зема плата од 50.000 денари, кај денарски кредит вкупните месечни рати ќе може да бидат најмногу околу 22.500 денари, односно 45 отсто од приходот. Досега лимитот беше 50 отсто.

Кај кредитите со валутна компонента, лимитот се намалува од 45 на 40 отсто од месечниот приход. Овој однос во банкарскиот речник се нарекува ДСТИ и покажува колкав дел од месечните примања на едно лице оди за отплата на кредитни обврски. Освен тоа, се менува и рокот на отплата. Станбените кредити, наместо најмногу 30 години, во иднина ќе се отплаќаат најмногу 25 години. Кај хипотекарните потрошувачки кредити рокот се скратува од 20 на 15 години.

Има, сепак, исклучок за оние што првпат купуваат свој дом. За нив условите остануваат поповолни. Лимитот на задолжување останува 50 отсто за денарските кредити и 45 отсто за кредитите со валутна компонента, а рокот за отплата на станбен кредит останува до 30 години.

Од Народната банка велат дека целта не е да се запре кредитирањето, туку да се спречи граѓаните да се задолжуваат повеќе отколку што реално можат да издржат. Оттаму посочуваат дека мерките имаат превентивен карактер и треба навреме да го намалат ризикот домаќинствата да влезат во преголеми долгови.

Најнови вести од: Бизнис

Славески: Структурните реформи можат значително да ја забрзаат конвергенцијата кон ЕУ

Славески нагласи дека воспоставената и долго одржувана макроекономска стабилност создаде цврста основа за развој на нашата економија, додека зголемената трговска отвореност и интеграцијата во европските и глобалните синџири на вредност значително го променија економскиот и извозниот профил на земјата.

Пад на невработеноста – 88.000 луѓе се пријавени во Агенцијата, најголем дел со или без образование

Најголем група на невработени се лицата без образование, или само со основно образование. Тие достигнуваат дури до 50.426 од вкупниот број на пријавени граѓани кои се невработени.

(Фото): НЛБ Банка создава нови урбани простори за младите – нова зона во Дебар Маало

Младите не се само дел од маалото, тие се неговиот најсилен пулс. Денеска НЛБ Банка во паркчето кај „Кино Карпош“ ја отвори првата од четирите NLB Next зони – простор што им припаѓа на младите, за нивните средби, идеи, дружења и иницијативи што го менуваат маалото на подобро. Токму на стартот на академската година, Дебар Маало доби ново место за поврзување, но и силна порака за заедничка одговорност „Чувај го твоето маало“. Отворањето го одбележаа музика, дружење и голем број млади од скопските факултети и средни училишта.

Поради намалените акцизи и ДДВ за горивата, во Буџетот фалат од 6 до 7 милијарди денари

Евентуалните ограничувања на извозот на дизел од САД би можеле дополнително да го затегнат европскиот пазар и да ги зголемат цените. Тоа би бил нов удар и за земјите кои, како Македонија, зависат од увоз на енергенти.

Димитриеска-Кочоска: Модернизацијата на даночниот систем значи поефикасни институции и подобри услуги за компаниите

Дирекцијата за големи даночни обврзници (ДГДО) при Управата за јавни приходи одбележа 20 години од своето формирање, под мотото „20 години Дирекција за големи даночни обврзници – Партнерство, доверба и резултати“.

(Видео): Камен-темелник за „Чебрен и Галиште“ в година – инвестиција од една милијарда евра

Проектот Чебрен и Галиште по децении чекање конечно ќе се реализира. Премиерот Мицкоски е оптимист дека ќе се најде инвеститор и дека камен темелник би можел да се стави веќе наредната година.

Сите вести од Бизнис

Најнови вести

To top