Македонија

Трипуновски: Исплатени над 407 милиони денари на скоро 8.000 земјоделци, земјоделството останува приоритет на Владата

Денес се исплатени над 407 милиони денари кон близу 8.000 земјоделци кои што се во нашата евиденција. Имено, исплатени се 259 милиони денари кон 4.143 земјоделци од подмерка 1.7, односно за градинарски култури предадени во преработувачки капацитети, во рамките на Програмата за финансиска поддршка за 2024 година, истакна на денешната прес конференција министерот за змјоделство, […]

2 минути за читање

Денес се исплатени над 407 милиони денари кон близу 8.000 земјоделци кои што се во нашата евиденција. Имено, исплатени се 259 милиони денари кон 4.143 земјоделци од подмерка 1.7, односно за градинарски култури предадени во преработувачки капацитети, во рамките на Програмата за финансиска поддршка за 2024 година, истакна на денешната прес конференција министерот за змјоделство, шумарство и водостопанство Цветан Типуновски.

-Висината на директните плаќања изнесува 3 денари по килограм за сите градинарски култури, освен за пиперката од сортата куртова капија каде висината на директните плаќања изнесува 5 денари по килограм, кои што се предадени за периодот мај-јуни и ноември-декември 2024 година. Оваа мерка е клучна за поддршка на нашите градинари кои се посветени на квалитетно производство наменето за понатамошна преработка. Истовремено, денес се изврши исплата на над 147 милиони денари кон 3.686 земјоделци за мерка 2.3, односно за произведено и предадено кравјо, овчо и козјо млеко од Програмата за финансиска поддршка за 2025 година. Висината на директните плаќања изнесува 6 денари по литар за кравјо млеко и 7 денари по литар за овчо и козјо млеко, рече Трипуновски.

Трипуновски појасни дека овие исплати се однесуваат за првите три месеци од оваа година.

-Овие исплати се однесуваат за период јануари, февруари и март 2025 година, со што поддршката кон сточарскиот сектор континуирано продолжува. Само за пoтсетување како министерство од почетокот на мандатот исплативме над 11 милијарди денари кон земјоделците, што претставува доволен доказ за нашата посветеност и развој на македонското земјоделство, појасни министерот.

Тој додаде дека земјоделството останува како еден од приоритетите на Владата.

-Нашата заложба за зголемување на конкурентноста на македонските земјоделски производи продолжува понатаму. Со одговорно и домаќинско работење покажавме дека ги градиме темелите на промените, и го вреднуваме трудот на македонските земјоделци. Во следниот период продолжуваме со поддршка на македонските земјоделци затоа што земјоделството останува како еден од приоритетите на Владата, додаде Типуновски.

Најнови вести од: Македонија

Анализи во Бугарија дека „патот на Македонија е под знак прашалник“, ако нема „напредок во работата на историската комисија“ и „исполнување на обврските“!

Историските спорови остануваат најсилната алатка на Бугарија за притисок врз Македонија. Бугарските анализи „предупредуваат дека без напредок во работата на Заедничката историска комисија и исполнување на договорените обврски, европската перспектива на Македонија ќе остане под силен политички притисок“.

Донесени законите за судската и јавнообвинителската служба – значаен исчекор кон зајакнување на нивната самостојност, професионалност и ефикасност

Министерството за правда информира дека Собранието денеска ги донесе Законот за судска служба, еден од најзначајните реформски законски решенија во областа на правосудството усогласен со Реформската агенда и Развојната секторска стратегија за правосудство 2024–2028, како и Законот за јавнообвинителска служба со што се прави значаен исчекор кон зајакнување на самостојноста, професионалноста и ефикасноста на јавното обвинителство. Со донесувањето на Законот за судска служба се надминуваат долгогодишните системски слабости на постојното законско решение и се создаваат услови за поефикасно функционирање на судовите, преку јасно препознавање на специфичната улога на судските службеници во судската власт.

Од 1 јули целосна забрана за движење во шумите низ Македонија

Министерството за земјоделство, шумарство и водостопанство ја известува јавноста дека согласно насоките од Владата како и барањата од корисниците на шумите – ЈП „Национални шуми“ и Националните паркови кои управуваат со заштитените подрачја, даде согласност за воведување на целосна забрана за движење во шумите и шумското земјиште.

Сторители на тешки кривични дела ги изиграле системот и судовите и со коруптивни лажни вештачења за нарушено здравје сместени во психијатриски установи!

Националниот превентивен механизам (НПМ) при Народниот правобранител, при контролата на психијатриската болница „Демир Хисар“ во декември 2025, затекнал 20-ина осуденици сторители на кривични дела кои не се со психичка болест, туку се здрави и пресметливи, но го изиграле системот и судовите преку коруптивни вештачења за нивно наводно нарушено здравје.

Македонија доби пристап до 4,4 милијарди евра од здравствените фондови на ЕУ – можност за приближување до европските стандарди и политики.

Македонија доби пристап до фондовите за здравство од 4,4 милијарди евра на Европската Унија (ЕУ). Министерот за здравство, Азир Алиу денеска кажа дека потпишувањето на Договорот за учество на Македонија во програмата „ЕУ фор хелт“ (EU4Health) е значаен чекор кон натамошно приближување на македонскиот здравствен систем до европските стандарди и политики. Програмата отвора можности за развој на проекти во областа на дигитално здравство, превенција и рана детекција на болести, скрининг-програмите, онкологија, кардиоваскуларно здравје, ментално здравје, подготвеност за здравствени кризи, пристапот до лекови и медицински производи, како и за јакнење на здравствениот кадар.

Мицкоски: Зад провокациите станува збор за организирана бугарска пропаганда во нашата држава

Премиерот Мицкоски посочи дека бугарските политичари не се откажуваат од Протоколите 1 и 2, каде се охрабрува работата на историската комисија до влезот на Македонија во Европската Унија. Тој потсети на говорот на сегашниот бугарски премиер од 2019 година во Санкт Петербург каде тој си ги присвојува Кирил и Методиј и кажува дека вечно ќе ја слават Санстефанска Бугарија.
Сите вести од Македонија

Најнови вести

To top