Milka ги довела потрошувачите во заблуда, пресудил покраинскиот суд во Бремен кој смета дека производителот на Milka ги заблудил потрошувачите со намалување на тежината на чоколадото Alpenmilch од 100 на 90 грама, додека пакувањето останало практично непроменето.
Пресудата дојде три недели по постапката што ја покрена канцеларијата за заштита на потрошувачите во Хамбург VZHH против Mondelēz. Судот заклучи дека проблемот не е само во тоа што пакувањето е исто, туку дека вистинската содржина е неконзистентна со визуелните очекувања што производот ги создал за клиентите во текот на годините.
Чоколадото Alpenmilch на Milka претходно тежело 100 грама, но потоа било намалено на 90 грама. Виолетовата амбалажа не била видливо променета, додека новото чоколадо било само за милиметар потенко. На почетокот на 2025 година, цената се зголемила од 1,49 на 1,99 евра.
Судот рече дека е потребно јасно, разбирливо и лесно видливо предупредување на пакувањето за да се елиминира измамата.
Пресудата сè уште не е конечна, а компанијата има еден месец да поднесе жалба. Од Mondelēz за BBC изјабија: „Ја сфаќаме одлуката на судот сериозно“ и дека сега ќе ја разгледа детално.
Компанијата тврди дека ги информирала германските потрошувачи за промената преку својата веб-страница и социјалните медиуми и дека зголемените трошоци во синџирот на снабдување довеле до одлуката да се намали тежината на повеќе чоколади Milka. Сепак, германските потрошувачи минатата година го избраа Mondelēz за „најбезобразно пакување во 2025 година“.
Случајот со Milka не е единствен. Во Германија, Ritter Sport исто така се соочи со критики за слична практика, намалувајќи ја тежината на некои производи од 100 на 75 грама, додека големината на производот ја задржа речиси иста. Притисокот врз производителите е дополнително зголемен со зголемувањето на цените на какаото по послабите жетви во Западна Африка, додека британски Which? соопшти дека цените на чоколадото се зголемиле за 14,6 проценти на годишно ниво до август 2025 година.