Бизнис

Големо намалување на цените на горивата

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 7,00 ден/лит.

2 минути за читање

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 6,61% во однос на одлуката од 15.6.2026 година.

Референтните цени на нафтените деривати на светскиот пазар во споредба со претходната пресметка бележат намалување и тоа во просек: кај бензините за 8,216%, кај дизелот за 12,699%, кај екстра лесното масло за 12,354% и кај мазутот намалувањето е за 11,352%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,0396%.

Од 23.6.2026 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 84,00 (денари/литар)
Моторен бензин ЕУРОСУПЕР БС – 98 86,00 (денари/литар)
Дизел гориво ЕУРОДИЗЕЛ БС (Д-Е V) 80,50 (денари/литар)
Масло за горење Екстра лесно 1 (ЕЛ-1) 79,50 (денари/литар)
Мазут М-1 НС 42,291 (денари/килограм)

Малопродажната цена на бензинот ЕУРОСУПЕР БС-95 се намалува за 3,50 ден/лит.

Малопродажната цена на бензинот ЕУРОСУПЕР БС-98 се намалува за 4,00 ден/лит.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 7,00 ден/лит.

Малопродажната цена на Мазутот М-1 НС се намалува за 3,932 ден/кг и сега ќе изнесува 42,291 ден/кг.

Напоменуваме дека ова се максималните цени на нафтените деривати од 00:01 часот на 23.6.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Поврзани теми:

топ|горива|бензин|Регулаторна комисија

Повеќе на оваа тема:

Најнови вести од: Бизнис

Ефикасната даночна политика – клучна за пад на неформалната економија и унапредување на даночната правичност

Учеството на УЈП на конференцијата претставуваше значаен придонес кон стручната и академската дискусија за унапредување на даночниот систем, намалување на неформалната економија и создавање услови за поголема даночна правичност и фер конкуренција.

Николоски: Потребни се фер услови за македонските компании и долгорочни визи за превозниците

Вицепремиерот Николоски посочи дека покрај инвестициите во патната и железничката инфраструктура, енергетиката и водоснабдувањето, од суштинско значење е да се создадат услови во кои македонските компании ќе можат да се натпреваруваат под еднакви и фер правила.

Народна банка ја задржа основната каматна стапка на 4,25%, неизвесност и натаму има

Извршниот одбор на Народната банка на денешната редовна седница одлучи да ја задржи основната каматна стапка на нивото од 4,25 отсто. Одлуката се заснова врз најновите макроекономски показатели и очекувања, како и врз оцените за ризиците од домашното и надворешното окружување.

Иднината на финансиите во фокусот на 7-та Германско-македонска конференција за контролинг

Конференцијата, во организација на Хајделберг Факултетот во Скопје (Heidelberg Business School), ќе обедини академици, експерти од индустријата, финансиски директори и претставници на институциите, со цел да се отворат клучните прашања за иднината на контролингот и финансиското управување.

Каде се сели дел од германската индустрија за да избегне ценовен пораз?!

Германските компании значително ги зголемиле инвестициите во Кина, додека вложувањата во САД нагло се намалиле во првата половина од годинава. Според анализа на Германскиот економски институт, компаниите од Германија инвестирале околу 5,6 милијарди евра повеќе во Кина во споредба со истиот период минатата година. Тоа претставува раст од околу една третина.
Сите вести од Бизнис

Најнови вести

To top