Бизнис

(Видео): Позитивни економски сигнали од Светска банка – Македонија бележи највисок економски раст во регионот

За Македонија, ова претставува важна оценка за досегашните економски движења, но и јасна насока за политиките кои треба да продолжат во наредниот период – рече Митева.

Светската банка ја зголеми прогнозата за економскиот раст на Македонија во 2026 година на 3,2 проценти, додека во вториот квартал земјава остварила раст од 4,3 проценти, највисок меѓу шесте економии во Западен Балкан, изјави владината портпаролка Марија Митева. Според редовниот економски извештај на Светската банка за Западен Балкан, објавен на 27 октомври, прогнозата за растот на македонската економија е зголемена за 0,3 процентни поени во однос на претходните проекции.

Митева се повика и на извештајот на Европската комисија, објавен на 20 октомври, според кој економскиот раст на Македонија забрзал од 3,1 процент во првиот квартал на 4,3 проценти во вториот, над регионалниот просек од 3,6 проценти.

  • Особено е важно што оваа оценка доаѓа во период на сериозни глобални економски предизвици, геополитичка неизвесност, ценовни, но и енергетски притисоци, како и забавена економска активност кај дел од нашите најзначајни трговски партнери. За Македонија, ова претставува важна оценка за досегашните економски движења, но и јасна насока за политиките кои треба да продолжат во наредниот период – рече Митева.

Според податоците на Државниот завод за статистика, во вториот квартал градежништвото остварило реален раст од 21,9 проценти, преработувачката индустрија од 4,1 процент, а секторот информации и комуникации од 4,3 проценти. Финалната потрошувачка бележи номинален раст од седум проценти.

  • Тоа се конкретни економски показатели кои говорат за зголемена активност во повеќе значајни сектори. Особено важен е растот на градежништвото, како сектор кој директно и индиректно влијае врз голем број други стопански дејности, домашните компании, транспортот, производството, но и инфраструктурниот развој – рече портпаролката на владата.

Митева нагласи дека позитивните статистички показатели не значат дека се надминати сите економски предизвици, бидејќи граѓаните го чувствуваат животниот стандард преку приходите, можностите за работа и цените на производите и услугите. Таа порача дека Владата останува посветена на одржување на економскиот раст, стабилноста на јавните финансии и спроведување реформи што треба да придонесат за подобрување на животниот стандард.

Најнови вести од: Бизнис

Европската бизнис-асоцијација ги поврза студентите со бизнис-приказните – Глобална недела на претприемништвото

Студенти од економските факултети при УКИМ, УГД и ЈИЕУ имаа можност да разговараат со претставници на компании од различни сектори за препознавањето на потребите на пазарот, започнувањето сопствен бизнис и вештините потребни за негов развој.

(Фото): Николоски во Виена повика на регионална соработка и поврзување

Зборувајќи на панел дискусијата “Заедничка визија за долгорочна економска соработка” вицепремиерот Николоски потенцира дека е потребен заеднички пристап на земјите од регионот за претставување на глобалниот пазар.

„Со свои раце, создадено со љубов“: 17. издание на Фестивалот на младо вино на „Тиквеш“ ги обедини луѓето и винската традиција

Фестивалот е и многу повеќе од прослава на младото вино, тој е прослава на луѓето, заедништвото, љубовта и вербата во иднината. Токму тие вредности се во сржта на филозофијата на „Тиквеш“, компанија која ја надградува својата богата традиција со знаење, иновации и современи пристапи, останувајќи посветена на создавањето вина и искуства што ги поврзуваат луѓето.

ЕВН вработува инженери, огласот е отворен до 23 ноември

Заинтересираните кандидати треба да имаат завршено средно електротехничко образование – IV степен, насока енергетика. Дополнителни квалификации за работа под напон, положен стручен испит за ракување со енергетски уреди и постројки, како и познавање компјутерски вештини ќе се сметаат за предност.

В среда продолжува Комисиската расправа за Предлог-буџетот за 2027 година

За капитални расходи се планирани 40,8 милијарди денари. Даночните приходи се проектирани на 223,1 милијарди денари, што претставува раст од 6,4 проценти. За социјални трансфери се предвидени 220,8 милијарди денари, што е зголемување за 4,1 проценти, од кои 123,8 милијарди денари за исплата на пензии или раст за 4,8 проценти во согласност со законското усогласување.

To top