Во Фејсбук се организира бдение пред Француската амбасада во Софија по одлуката на Париз да го стопира процесот на пристапување на Македонија во Европската унија, јавува бугарски портал.
Бдеењето е закажано за утре, 21 октомври, 18:30 часот. Настанот го пријавил на Фејсбук скулпторот Андреј Врабчев, кој стана познат по поставувањето споменик на Бојко Борисов со светкави очи на плоштадот Гарибалди во Софија и кој тврди дека има поддршка од интелектуалци, јавува бугарскиот портал Офф.њуз.
Во барањата адресирани до претседател на Француската Република, меѓу другото, се вели:
„Во време на комплицирани процеси на Блискиот исток, тековната војна во Сирија и интересот на сите земји на Балканот како влез во Европа, на Европската унија и треба стабилен, кохезивен и европски Балкан. Отсуството на Европа од овој регион значи дека ќе влезат други сили непријателски настроени кон неа.
Одлуката да не се покани Република Северна Македонија – срцето на Балканот – да започне преговори со ЕУ е особено опасна и за самата Северна Македонија, која ќе биде турната од политички хаос, антиевропски позиции и управување, како и за целиот регион и Европа. Не смееме да заборавиме дека многу од најлошите војни започнаа на Балканот а пред 18 години се водеше последната војна на нашиот континент“ се вели во т екстот објавен од Off.news.bg.