Бугарија ќе купува 3Д радари за да ја штити и Македонија

Министерството за одбрана на Бугарија го покрена проектот за модернизација на армијата со набавка на 3Д радари за вкупна цена од околу 200 милиони евра, со цел да се штити и Македонија.

„Откако ќе се купат, тие ќе бидат искористени и за преземање на обезбедувањето на воздушното пространство на Северна Македонија, што е речиси договорено. Според оваа опција, Скопје може да учествува во проектот со средства, а еден радар ќе биде лоциран на македонска територија“, пишува Дир.бг, повикувајќи се на весникот „Бугарска армија“.

Се планира да се купат пет радари со далечен дострел и два со краток, а треба да ѝ бидат ставени на располагање на бугарската војска во 2023-24 година.

Веќе се водени преговори со производители од Германија, Израел и САД, од каде што е и најголемата веројатност да се набават заедно со договорените авиони Ф-16 Блок-70, кои треба да бидат ставени во функција на армијата во 2024 година.


SHARE