Петар Николаев, в.д. бугарскиот амбасадор во Австралија, од шефицата на бугарската дипломатија Екатерина Захариева доби задача да се сретне со австралиските власти и да ги повика да бидат преземени мерки против лицата кои запалиле бугарско знаме за време на протести на македонската дијаспора во Мелбурн.
Група македонски иселеници во Австралија ги запалија знамињата на Грција и Бугарија, како и макета на македонскиот премиер Зоран Заев, за време на протестите против промена на името на Северна Македонија и Договорот од Преспа пред македонскиот конзулат во Мелбурн.
Вчера македонската влада го осуди палењето на макетите со ликовите на Зоран Заев и Радмила Шекеринска пред конзулатот во Мелбурн.
