Министерот за надворешни работи на Србија Ивица Дачиќ, вели дека Северна Македонија ја призна еднострано прогласената независност на Косово само за да се доближи до Запад.

„Не стои аргументот“ на новоизбраниот претседател Стево Пендаровски дека тоа е направено „во согласност со нивната стратешка ориентација, имајќи го пред вид и односот на граѓаните од албанската заедница, која е втора по големина во Македонија” вели Дачиќ.

Тој истакна дека сите земји во регионот што го признаа Косово го сторија тоа за да се доближат до  Запад.

„Ова покажува дека нивната стратешка ориентација не е да се разберат проблемите со кои Србија се соочува”, истакна Дачиќ додавајќи дека Македонија не била фер кон Србија, затоа што Србија ја призна Република Македонија, иако тоа било спротивно на нејзините стратешки определби, а тоа е пријателството со Грција.

Дачиќ вели дека Македонија не возврати со добро затоа што го призна Косово, но и покрај тоа, Србија не го повлече признавањето и затоа имаше „различни фази во односите со Грција“.

„Се покажа дека сме згрешиле, бидејќи Македонија сега се вика Северна Македонија“ вели шефот на српската дипломатија.

SHARE

Оставете коментар