Извори од СДСМ брифираат  дека премиерот направил список со над 15 имиња кои ќе бидат сменети на сите нивоа на власта, пишува „Алсат м“.

Сепак, не се обелоденуваат имиња пред да се свикаат органите на партијата за таму да се разгледаат предлозите на Заев.

Неофицијално се дознава дека по усвојувањето на промените во Законот за јавно обвинителство, од Министерството за правда ќе замине министерката Рената Дескоскакоја во иднина ќе го води Минситерството за образование.

Со Министерството за правда ќе раководи кадар на ДУИ, дознава Алсат М..

Промени ќе има и во министерството за информатичко општество, за земјоделство, но и во здравство, а уште нема конкретни имиња за Министерство за политички систем и односи меѓу заедниците во кое прерасна поранешниот Секретаријат за Рамковен договор.

Коалициските партнери не дискутирале ниту за судбината на Министерството за култура, откако министерот Асаф Адеми вчера даде оставка поради здравствени причини.

На списокот институции каде се очекуваат промени на кадри се споменува и МНР. Неофицијално, Никола Димитров бара да замине од министерската фотелја, но причините не се откриваат, пишува Алсат М.

SHARE

Оставете коментар