Фејсбук денес ќе соопшти чии податоци биле украдени!

87 милиони корисници насоцијалната мрежа Фејсбук од цел свет денес ќе дознаат дали се жртви на една од најголемите измами во историјата на компанијата и дали нивните приватни податоци биле споделени од компанијата Cambridge Analytica.

Како што објавува „Гардијан“, Фејсбук објави дека сите корисници чии профили биле хакирани и украдени ќе бидат информирани за тоа со детална порака на нивниот „ѕид“.

Исто така, сите корисници на Фејсбук ќе добијат порака „Protecting Your information “ со линк на кој може да дознаат кои апликации ги користат и кои приватни податоци се споделуваат од тие апликации, со можност да ги исклучат.

Најголемиот дел од засегнатите корисници со скандалот, околу 70 милиони, се државјани на САД, но покрај нив „ Cambridge Analytica“ добила податоци за над два милиони луѓе од ЕУ, милион Филипинци и Индонезијци и околу 310.000 Австралијци…

SHARE