Ограбувале станови, деловни објекти и патнички возила – двајца кочанчани се осомничени дека за два месеци во август и септември извршиле седум тешки кражби и имале три обиди за кражби.
Оперирале во повеќе градови – во Кочани, Виница, Делчево, Македонска Каменица и Пробиштип. Уапените се на возраст на 26 и 43 години.
„Тие се сомничат дека во текот на август и септември оваа година на подрачјата на Кочани, Виница, Делчево, Македонска Каменица и Пробиштип двајцата извршиле повеќе кривични дела од кои седум тешки кражби во станбени и деловни објекти, три тешки кражби во обид во станбени и деловни објекти и патнички возила и едно спречување на докажување, извршено од В.З..“ стои во кривичната од МВР.
По судска наредба биле претресени нивните домови, при што биле пронајдени и одземени предмети за кои постои сомнение дека потекнуваат од кражбите.