Хроника

Директорот во „Државна лотарија“ Владо Петковски на судењето негираше сознанија за влијание на Груби врз одлуките на Бајрами

Со вкрстено испитување на сведокот Владо Петковски, директор на Секторот за игри на среќа во АД „Државна лотарија“, денеска во Основниот кривичен суд Скопје продолжи судењето за предметот „Државна лотарија“, откако претходно тој беше директно испитан од обвинителството.

2 минути за читање

Во текот на вкрстеното испитување од обвинителтвото, сведокот негираше дека има сознанија за причините поради кои била разрешена поранешната директорка на Државна лотарија и дали Перпарим Бајрами бил назначен со цел да ги реализира проектите поврзани со самостојно приредување игри на среќа и формирање нови друштва. На прашање дали му е познато дека Бајрами му кажувал оти без одобрение од Артан Груби не носи одлуки или дека за секоја одлука се консултирал со него, Петковски одговори дека не знае. Тој негираше и дека присуствувал на средба меѓу Бајрами и Груби на бензинска станица во Карпош во текот на 2024 година.

По завршувањето на рочиштето, бранителот на Артан Груби, адвокатот Гоце Ристевски, оцени дека исказот на сведокот оди во прилог на одбраната – Денеска сведокот што беше на листата на Обвинителството практично беше прогласен за непријателски сведок. Тоа не можам да го коментирам. Исказот на сведокот во целост ја потврдува тезата на одбраната, а тоа е дека конкретно обвинетиот Артан Груби не преземал никакви противправни дејствија во конкретниот случај. Сведокот потврди што се случувало во рамките на Државна лотарија и дека сè било во согласност со законот – изјави Ристевски.

Претходно денеска Петковски сведочеше дека повеќе развојни проекти во АД „Државна лотарија“, меѓу кои формирањето на „Ново ВЛТ“, интернет-платформата „Мегавин.мк“ и иницијативата за самостојно приредување електронски игри на среќа, биле покренати во мандатот на тогашниот генерален директор Перпарим Бајрами. Тој и во директното испитување од Обвинителството изјави дека не може да каже кои биле причините за смената на поранешната директорка Катица Николовска Прнакова, ниту дека има непосредни сознанија за односите меѓу Бајрами и Груби.

Оценувајќи дека поради дадените одговори повеќе не може да се смета за сведок на странката што го предложила, Обвинителството побара сведокот да биде вкрстено испитан, Судот го прифати барањето и одлучи постапката да продолжи со вкрстено испитување.

Во предметот „Државна лотарија“, покрај Артан Груби и Перпарим Бајрами, обвинети се и Башким Авди, Методија Димовски, Скендер Мехмети, Бојан Јанев, Фатмир Рамадановски и Александар Димитриоски. Според обвинението, со пречекорување на службените овластувања предизвикале штета на АД „Државна лотарија“ во износ од 596.125.511 денари. Сите обвинети се изјаснија дека не се чувствуваат виновни.

Македонска информативна агенција  – МИА

Поврзани теми:

топ

Најнови вести од: Хроника

Тошковски: Разбиена сериозна криминална група, дел од неа дејствувал над 15 години во Македонија и во земји од ЕУ!

Министерот за внатрешни работи Панче Тошковски во гостување во Радио Лидер соопшти детали за големата полициска акција, која вчера беше спроведена во Прилеп. Тој посочи дека е разбиена многу сериозна организирана криминална група, на која Министерството за внатрешни работи, во координација со Јавното обвинителство и со странски партнерски служби, работело повеќе од една година.  „Значителен дел од таа организирана криминална група повеќе од 15-тина години го правела тоа што го правела и биле недопирливи за органите на прогон.“ – истакна Тошковски.

ТВ „Алфа“: Голема полициска акција во Прилеп, Охрид и Струга, поради сомничења за „бизнис“ со дрога – претреси на 30 локации, под лупа и полицајци!

Голема полициска акција е во тек во Прилеп, се вршат претреси претреси на 30 локации, осомничена е поголема група за активности поврзани со наркотици. Освен во овој град, претреси се прават и во Охрид и Струга, објави ТВ Алфа.

Условно осудениот Пецов – Ѓаволот си ја плати казната од 8.000 евра, а „рушветчијата“ Стафа бара условен отпуст!

Љупчо Пецов – Ѓаволот, осуден во предметот „Синџир“, ја уплатил паричната казна од 492.000 денари, односно околу 8.000 евра, информираат од Основниот кривичен суд Скопје. Пецов, кој беше осуден на условна казна затвор од две години, на 2 септември ја уплатил паричната казна, по што за тоа бил известен и Судот. Адвокатот Фехми Стафа, обвинет дека примил поткуп од 50.000 евра, за да влијае кај судија во предметот поврзан со Пецов, сè уште ја издржува затворската казна од една година и три месеци. Стафа сега бара условен отпуст!

Две и пол години затвор за вработената во МВР, што фалсификувала возачки дозволи, 1,3 години за возачите

Тројца обвинети во предметот за фалсификување возачки дозволи ја признале вината и добија затворски казни во скратена постапка. На првообвинетата, вработена во Министерството за внатрешни работи, ѝ е изречена казна затвор од две години и шест месеци. Второобвинетиот и третообвинетиот се осудени на една година и три месеци затвор. За сите тројца е продолжена мерката притвор, информираа на средба со новинарите во Основниот кривичен суд Скопје.
Сите вести од Хроника

Најнови вести

To top