Хроника

Кнауф дел од ,,Розовиот Октомври”

Навремената реакција и информираноста е најсигурен начин за зачувување на здравјето

2 минути за читање

Кнауф се приклучи кон глобалната кампања „Розовиот октомври“, посветена на подигнување на свеста за ракот на дојка.

Во рамки на иницијативата, компанијата организираше едукативен настан и обезбеди ваучери за специјализиран преглед за сите жени вработени, во соработка со ПЗУ „Центар за дојка“.

Во тренинг центарот во просториите на Кнауф, предавање одржа д-р Маја Стојановиќ Чрчева од ПЗУ „Центар за дојка“, која зборуваше за важноста на раната дијагностика, самопрегледот и редовните контроли. Преку практични совети и разговор со присутните, таа го истакна значењето на навремената реакција и информираноста како најсигурен начин за зачувување на здравјето.

„Розовиот октомври е потсетник дека навремената реакција спасува животи. Преку оваа иницијатива сакаме да ја истакнеме важноста на превенцијата и да ја охрабриме секоја жена да одвои време за своето здравје. Кнауф постојано вложува во активности што имаат долгорочен ефект, било да се однесуваат на вработените, на заедницата или на животната средина. Тоа е дел од нашата култура и начинот на кој функционираме“, изјавија од компанијата.

Со реализација на вакви иницијативи, Кнауф ја потврдува својата посветеност на превенцијата и раната детекција како клучни фактори во заштитата на здравјето. Така, грижата за луѓето не останува само дел од корпоративните вредности, туку се претвора во реална практика што создава позитивни промени и долгорочен ефект, велат од компанијата.

Поврзани теми:

Кнауф|Розовиот октомври

Најнови вести од: Хроника

Започнува постапката за четирите малолетни насилници од Аеродром: побарана забрана да ѝ се доближуваат на 12-годишната жртва

Јавното обвинителство побара да се поведе постапка против две 14-годишни девојчиња и две момчиња, осомничени за насилство, помагање и неовластено снимање на нападот врз 12-годишно девојче во скопската населба Аеродром. Станува збор за насилниот инцидент на 30 јуни во скопската населба Аеродром, кога 12-годишното девојче беше физички нападнато, а целиот настан беше снимен со мобилен телефон.

Бомба фрлена кон угостителски објект во тетовското село Добарце – двајца повредени

На 08.07.2026 во 01:20 часот во Полициското одделение Групчин, Д.Ф.(51) од с.Добарце, тетовско пријави дека од патничко возило „цитроен“ во движење е фрлена рачна бомба кон неговиот угостителски објект, лоциран покрај локалниот пат во селото.

Поднесено обвинение за „Еуростандард“ банка од Скопје – намерно е втурната во стечај со долг од 27 милиони евра!

Со одобрување кредити на кредитно неспособни и поврзани правни лица, без соодветни анализи и обезбедување, со прикривање на реалната финансиска состојба и ризиците, како и со неточно известување до Народната банка, пријавените придонеле банката да биде доведена во стечај, а доверителите да бидат оштетени со околу 27 милиони евра во денарска противредност. Основното јавно обвинителство за гонење на организиран криминал и корупција до Основниот кривичен суд Скопје поднесе обвинителен акт против три лица кои се товарат дека сториле по едно кривично дело „Предизвикување стечај на банка“, како и обвинителен предлог против едно лице за кривично дело „Несовесно работење во службата“.
Сите вести од Хроника

Најнови вести

To top