Хроника

Кривична пријава за поранешниот градоначалник Стевчо Јакимовски за несовесно работење и две службенички од Општина Карпош за злоупотреби

Постапувајќи според наредба од Основното јавно обвинителство од Скопје, Секторот за економски криминал на скопската полиција поднесе кривична пријава против Благица Блажевска за четири кривични дела „злоупотреба на службена положба и овластување“, против Симона Серафимовска-Ѓуреска за две кривични дела „злоупотреба на службена положба и овластување“, како и против против Стевчо Јакимовски за кривично дело „Несовесно работење во службата“.

3 минути за читање

Првопријавената како Раководител на Сектор за урбанизам во Општина Карпош во содејство со второпријавената како вработена во истиот сектор ја злоупотребиле својата службена положба и овластување со неизвршување на својата службена должност на начин што иако знаеле и биле свесни дека издадениот Извод од план од страна на општината за ДУП кој претходно бил укинат со Одлука од 2018 година од Уставен Суд на РМ и дека за истото од страна на третопријавениот како Градоначалник на Општина Карпош биле дадени насоки да не се издаваат изводи од планови, одобренија за градење и слично за ДУП-овите кои се укинати од Уставниот суд, како и дека претходно два пати го одбивале барањето за издавање на одобрение за градење од инвеститорите поради истите и други причини, откако прво третопријавениот потпишал договори со инвеститорите за регулирање на надоместокот за уредување на градежно земјиште без да изврши увид дека тие договори се однесуваат на барања поднесени за локација за која бил укинат ДУП и за кои самиот дал насоки да не се издаваат одобренија за градење, прво и второ пријавените на ден 23.07.2025 година на инвеститорите им издале Одобрение за градење, со што им овозможиле на инвеститорите противправно да се стекнат со право на изградба на објект во вредност од 10.427.518,00 денари.

Понатаму, прво и второ пријавената ја злоупотребиле својата службена положба и овластување со неизвршување на својата службена должност на начин што иако знаеле и биле свесни дека инвеститорите кон поднесеното барање за издавање на одобрение за градење имаат доставено основен проект изработен спротивно на важечкиот урбанистички план, наместо да го вратат предметот на инвеститорите на доработка, истите на инвеститорите на ден 29.10.2025 година им издале Одобрение за градење, на кој начин им овозможиле на инвеститорите противправно да се стекнат со право на изградба на објект во вредност од 13.021.914,00 денари.

Исто така, првопријавената ја злоупотребила својата службена положба и овластување со неизвршување на својата службена должност на начин што иако знаела или требало да знае дека поднесеното барање од инвеститорот се однесува за градба-настрешница која не претставува настрешница во функција на постоечки објект согласно законските и подзаконските акти, туку засебен објект, поставен во простор со намена Д1 – парковско и пејсажно зеленило, односно во јавен простор и булеварски профил, и која воедно не била предвидена со важечкиот урбанистички план, како и дека од страна на подносителот на барањето во целост не била доставена потребната документација, ниту пак била извршена пресметка и наплата на надоместокот за уредување на градежно земјиште, истата на ден 25.03.2025 година на инвеститорот му издала Решение за градба на настрешница.

Воедно, првопријавената ја злоупотребила својата службена положба и овластување со неизвршување на својата службена должност и на начин што иако знаела или требало да знае дека за објектот-настрешница за кое било поднесено барање од инвеститорот претходно била поведена управна постапка и во 2024 година било донесено решение за отстранување на настрешницата, како и дека од страна на подносителот на барањето во целост не била доставена потребната документација, ниту пак била извршена пресметка и наплата на надоместокот за уредување на градежно земјиште, истата на ден 30.07.2025 година на инвеститорот му издала Решение за градба на настрешница.

Поврзани теми:

топ|кривични пријави против Стевчио Јакиловски и две службенички во општина Карпош|Основно јавно обвинителство од Скопје|СВР Скопје Сектор за економски криминал

Најнови вести од: Хроника

Доживотен затвор за серискиот убиец Трајко Бојковски, поради четири убиства и два обида за убиство на жени

Основниот суд во Куманово денеска ја изрече пресудата за Трајко Бојковски, обвинет за четири убиства и два обида за убиство на жени во регионот на Старо Нагоричане. Судот го осуди Бојковски на казна доживотен затвор, со што заврши првостепената судска постапка која предизвика голем интерес во јавноста.

Од 12 октомври 2026 започнува „Безбеден град“ во Охрид, Струга, Кичево и во Дебар

Министерството за внатрешни работи ја известува јавноста дека од понеделник (12.10.2026), системот за сообраќаен надѕор „Безбеден град“ започнува со работа и на подрачјето на СВР Охрид, односно и во Струга, Кичево и во Дебар.

Притвор и куќен притвор на двете вработени во АД „Државна лотарија“ за проневера на 1,3 милиони евра

Судија на претходна постапка од Основниот кривичен суд Скопје постапувајќи по предлог на Обвинителството, им определи мерка притвор и куќен притвор на двете осомничени финансиски раководителки во АД „Државна лотарија“ за “проневера во служба”.

Одземен пасошот и забрана за работа за Вишиот јавен обвинител од Битола, се сомничи за криминал и мито

Судија на претходна постапка при Основниот кривичен суд Скопје, постапувајќи по предлог на Основното јавно обвинителство за гонење на организиран криминал и корупција за определување мерки за претпазливост против П.В. – Виш јавен обвинител од Битола, по сослушување на осомничениот во присуство на неговиот бранител, како и по ценење на фактите и доказите содржани во предлогот, донесе решение со кое го прифати предлогот на ОЈО ГОКК.
Сите вести од Хроника

Најнови вести

To top