Министерството за внатрешни работи објави дека е лишено од слобода лицето што на 23 април по полноќ му нанесе убодни рани на маж пред угостителски објект во Скопје.
„Полициски службеници од СВР Скопје го лишија од слобода А.Ч. од Скопје затоа што на 23.04.2026 пред угостителски објект на ул. ’50 Дивизија’ со нож му нанел убодни рани на А.Ѓ.. Веднаш по добиената пријава за настанот, полициски службеници презедоа соодветни мерки и активности и случајот е во целост расчистен.
Напаѓачот е лишен од слобода, а од страна на Единицата за насилен криминал при СВР Скопје, во координација со ОЈО Скопје, е поднесена кривична пријава по итна постапка против А.Ч. за кривично дело “обид за убиство” по член 123 во врска со член 19 од КЗ.
Од страна на судија на претходна постапка, на лицето му е определена мерка куќен притвор во траење од 30 дена“, соопшти МВР.
Инцидентот се случил по вербална расправија меѓу двајцата, која прераснала во физичка пресметка. Во еден момент оштетениот го нападнал осомничениот, по што 25-годишникот извадил нож и му задал неколку убоди.
Нападнатиот добил рани во градниот кош, грбот и стомакот. По укажаната лекарска помош, тој бил пуштен на домашно лекување.