Хроника

Убиецот го викнал внукот дома – инсистирал тој да го донесе и син му

Полицијата соопшти дека 62-годишниот вујко часови претходно, околу 15 часот, му се јавил на неговиот внук од сестра од Прилеп, при што истиот го поканил да оди во неговиот дом во Прилеп, но инсистирал со себе да го поведе и неговиот малолетен син, односно внук од сестра.

2 минути за читање

Жената на прилепчанецот кој е убиен заедно со неговиот син го пријавила случајот во полиција откако пробала телефонски да ги добие сопругот и синот кои претходно, кон 15 часот заминале во куќата на вујкото на покана на вујкото. Таа отишла до куќата, но вратата била затворена. Ова се дел од новите детали кои ги соопшти битолската полиција за двојното убиство и самоубиство кое го потресе Прилеп.

Во соопштението на СВР Битола се вели дека се расчистени околностите за тројното убиство. Откако не успеала да ги добие на телефон сопругот и синот, жената се упатила кон куќата каде што влезната врата била затворена и никој не се одзивал на нејзините довикувања. Пред куќата го забележала паркиран автомобилот на сопругот. Тогаш таа решила да го пријави случајот во полиција.

  • „Истата, по одредено време во 21:20 часот го пријавува настанот во ОВР Прилеп каде пријавува дека истиот ден од домот се оддалечил нејзиниот сопруг заедно со нивниот малолетен син и посочува дека најверојатно се наоѓаат во домот на вујкото на нејзиниот сопруг“, се вели во соопштението.
Полицијата соопшти дека 62-годишниот вујко часови претходно, околу 15 часот, му се јавил на неговиот внук од сестра П.Ч.(43) од Прилеп, при што истиот го поканил да оди во неговиот дом во Прилеп, но инсистирал со себе да го поведе и неговиот малолетен 13 – годишен син, односно внук од сестра на П.Ѓ.
  • „Според првичните информации и сознанија од очевидци кои ги има ОВР Прилеп во околу 15:30 -16:00 часот во непосредна близина на куќата на сега починатиот П.Ѓ. се слушаат истрели од огнено оружје, (најверојатно тоа бил моментот на убиството во кое П.Ѓ. ги застрелува внукот и неговиот малолетен син) но, до тој момент нема никаква пријава во ОВР Прилеп за било какво пукање на подрачјето на Прилеп“, се вели во написот.

Полицијата потврди дека напаѓачот, 62-годишниот вујко, пукал кон службениците, но и дека фрлил бомба која почнала да чади, но не ескплодирала.

Поврзани теми:

топ

Најнови вести од: Хроника

Започнува постапката за четирите малолетни насилници од Аеродром: побарана забрана да ѝ се доближуваат на 12-годишната жртва

Јавното обвинителство побара да се поведе постапка против две 14-годишни девојчиња и две момчиња, осомничени за насилство, помагање и неовластено снимање на нападот врз 12-годишно девојче во скопската населба Аеродром. Станува збор за насилниот инцидент на 30 јуни во скопската населба Аеродром, кога 12-годишното девојче беше физички нападнато, а целиот настан беше снимен со мобилен телефон.

Бомба фрлена кон угостителски објект во тетовското село Добарце – двајца повредени

На 08.07.2026 во 01:20 часот во Полициското одделение Групчин, Д.Ф.(51) од с.Добарце, тетовско пријави дека од патничко возило „цитроен“ во движење е фрлена рачна бомба кон неговиот угостителски објект, лоциран покрај локалниот пат во селото.

Поднесено обвинение за „Еуростандард“ банка од Скопје – намерно е втурната во стечај со долг од 27 милиони евра!

Со одобрување кредити на кредитно неспособни и поврзани правни лица, без соодветни анализи и обезбедување, со прикривање на реалната финансиска состојба и ризиците, како и со неточно известување до Народната банка, пријавените придонеле банката да биде доведена во стечај, а доверителите да бидат оштетени со околу 27 милиони евра во денарска противредност. Основното јавно обвинителство за гонење на организиран криминал и корупција до Основниот кривичен суд Скопје поднесе обвинителен акт против три лица кои се товарат дека сториле по едно кривично дело „Предизвикување стечај на банка“, како и обвинителен предлог против едно лице за кривично дело „Несовесно работење во службата“.
Сите вести од Хроника

Најнови вести

To top