Хроника

Вечерва во МНТ: Премиера на еден од најдобрите македонски документарци

На премиерата пред домашната публика, најавено е присуство на целата филмска екипа која работеше на еден од најдобрите документарни филмови во македонската кинематографија.

1 минута за читање

Денеска, во Македонскиот народен театар со почеток во 20:30 часот ќе се одржи македонската премиера на документарниот филм „Приказната за Силјан“ од режисерката Тамара Котевска.

Филмот, кој е македонски кандидат за наградата Оскар во категоријата најдобар документарен филм, ќе биде прикажан пред домашната публика во присуство на целата филмска екипа. Ова е еден од највисоко ценетите документарни филмови во македонската кинематографија, што го потврдуваат бројните меѓународни награди и признанија.

„Приказната за Силјан“ досега освои значајни награди на фестивали како Венеција, NYDOC, IDA, Spirit Awards и PGA Award, како и Eye Cinema Audience Award. Филмот е откупен од National Geographic, што дополнително ја потврдува неговата глобална релевантност.

Раскажувачката срж на филмот е приказна за издржливост, грижа и мали дела што менуваат животи. Земјоделецот Никола случајно наоѓа ранет бел штрк на депонија и решава да му помогне. Нивниот кревок, полека граден однос базиран на доверба се претвора во спасоносна врска што му ја враќа смислата на Никола, ги обновува врските со заедницата и ги буди старите преданија и односот кон природата.

Премиерата претставува значаен момент за македонската кинематографија и можност домашната публика конечно да го види овој високо ценет филм.

Поврзани теми:

избор|премиера|Приказна за Силјан|македонски народен театар|Тамара Костевска

Најнови вести од: Хроника

Пронајден починат македонски државјанин кој исчезна во Брисел пред 22 години

Форензичарите утврдија дека скелет пронајден минатото лето во подрум во куќа во Брисел му припаѓал на македонскиот државјанин Реџеп Рахмановски, кој се води како исчезнат од 2003 година, соопшти белгиската Федерална полиција

Шефови во УЈП и бизнисмени осомничени за криминал тежок 4,8 милиони евра

Заврши распитот на осумте приведени лица поврзани со вчерашната обемна акција во Управата за јавни приходи, по што Основниот кривичен суд Скопје им определи мерка притвор во траење од 30 дена. Како што информира Судот, по нивното произнесување, како и по оценка на фактите и приложените докази, бил прифатен предлогот на обвинителството и на сите осум осомничени им е определен притвор поради постоење на сите три законски основи – опасност од бегство, можност за влијание врз сведоци, како и ризик да го довршат или повторат кривичното дело.

Пијан скопјанец ја претепал партнерката, ја давел и ѝ се заканувал со нож

Јавен обвинител од Основното јавно обвинителство Скопје поведе постапка против 51-годишен скопјанец за кого постои основано сомнение дека сторил кривично дело – телесна повреда и загрозување на сигурноста според Кривичниот законик. На 14 јануари, во видно алкохолизирана состојба, осомничениот ја нападнал својата партнерка во домот во Гази Баба во кој таа привремено престојувала. Ја удирал по главата и телото, ја давел за вратот, а и се заканил и со нож со кој замавнал кон неа.

Жител на Чучер Сандево се заканувал дека ќе ја запали сопругата и ќе ја убие со двете ќерки, му нашле автоматска пушка и над 70 куршуми

Осомничениот, на 13 јануари, во својот дом во Чучер Сандево, држел автомат STEN MKII кој им е целосно забранет на граѓаните, како и 71 куршум муниција со калибар 9 мм соодветна за испукување од тоа автоматско оружје.
Сите вести од Хроника

Најнови вести

To top