И на матичните „им пукна“ од ковид-ситуацијата

Матичните лекари се спремаат за протест поради, како што велат ,,игнорантскиот однос и буквално никаква поддршка од страна на здравствените власти од почетокот на пандемијата со коронавирусот”.

„Протестираме поради игнорантскиот однос и никаква поддршка од прв ден на епидемијата до денеска, ниту заштитна опрема, ниту дезинфициенси, ниту денар помош. Бараме итна помош во заштитна опрема и дезинфициенси. Бараме право да упатуваме на тестирање по наша проценка. Бараме да има член претставник од матичните лекари во Комисијата за заразни болести. Бараме стопирање на било какви ,,реформи” најавени за од први јули, невиден преседан среде пандемија. Исто така, протестираме поради срамните изјави дека не сме дел од јавно здравствениот систем. Повеќе од 80 проценти од инфицираните со Сарс-Kов-2 се менаџирани од матичните лекари! Секојдневната работа со која бевме натрупани и претходно е башка и е паралелна“ – вели за Слободен печат доктор Ненад Лазаров, кој го најави протестот и тврди дека со официјално соопштение ќе излезат утре.

SHARE