Инцидент на Бит Пазар, пукано е во едно лице

Рааботник на ЈП „Комунална хигиена“ бил ранет во нога вечерва на Бит Пазар, јавува 24 Инфо.

Според неофицијални информаци, повредениот ја метел улицата во близина на Албанскиот театар кога забележал група крадци како провалуваат во една од продавниците. Тој најверојатно почнал да вика, по што провалниците се повлекле, а еден од нив извадил пиштол и пукал во метларот. Куршумот го погодил човекот во ноата, а крадците се разбегале, пренесува порталот.

Полицијата веднаш реагирала на инцидентот во кој учествувале неколку провалници, но лицето што пукало успело да избега. Повредениот работник на ЈП„Комунална хигиена“ бил пренесен во болница.

Од МВР потврдуваат дека се случил инцидентот.

-Околу 20 часот на улица 192 пријавена е кражба при која е испукан куршум од пиштол, кој завршил во ногата на А.Ш.(42) од Скопје. Тој бил префрлен во комплексот клиники „Мајка Тереза“. Возилото со кое е извршена кражбата е обезбедено. Се преземаат мерки за расчистување на случајот, велат од МВР.

SHARE