Како државата од возачите краде до 400 илјади евра (ВИДЕО)

Истражување направено во Скопје покажува како преку скриени трошоци институциите заработуваат стотици илјад евра од возачите секоја година за работи за кои возачите не мораат да ги платат.

Издавањето или замената на сообраќајна дозвола при регистрација на возилата има скриени трошоци, покажува истражувањето на ИКС.

Иако на сајтот на Министерството за внатрешни работи наведено е дека тоа чини само 200 денари, граѓаните за докомплетирање на документацијата треба да дадат уште околу 10 евра.

Истражувањето на екипата на Институтот за комуникациски студии покажа дека оваа скриена давачка на сервисите годишно им носи од 300 до 400 илјади евра, при што државата како данок на додадена вредност добива од 54 до 72 илјади евра.

Видеото го изработи Институтот за комуникациски студии
Новинар: Горан Теменугов
Снимател: Борис Каевски

SHARE