Во Министерството за државна сопственост на Хрватска денеска беа отворени понудите за купување на хотелот „Загорје“, поранешно политичко училиште во Кумровец.

Единствениот понудувач беше „Зонгиа недвижности“ која понудила 14.095.400 куни односно нешто над 1,9 милиони евра.

Хотел „Загорје“ е, всушност, поранешно политичко училиште во Кумровец, кое има површина од речиси 27 илјади квадратни метри и е во државна сопственост.

Интерес за имотот покажа неодамна кинеската претприемачка Џијанг Ју, која повеќепати беше во Кумровец и изрази желба училиштето да го претвори во хотел, како и други идеи за создавање спомен-парк на Јосип Броз Тито во тоа место во Хрватско Загорје.

SHARE

Оставете коментар