По изјавата на францускиот претседател Емануел Макрон кој за НАТО рече дека има „мозочна смрт“, реагираше рускиот министер за надворешни работи Сергеј Лавров, велејќи дека Москва подготвено очекува закрепнување на блокот од сите заболувања.

„Не би сакал да се вовлечам на дискусија за медицинската страна на овој проблем“,изјави Лавров пред новинарите и саркастично додаде:

„Ако Макрон почувствувал дека дијагнозата што ја даде [за НАТО] е толку очигледна – тој имал право да го изјави тоа. Тој го знае НАТО подобро од мене, бидејќи е претставник на нација која е членка на алијансата “.

Лавров истакна дека Русија останува заинтересирана за градење заемно корисни односи со блокот предводен од САД, што ќе се заснова на еднаква основа, пренесе РТ.

 „Значи, откако НАТО ќе се опорави, ние ќе бидеме таму.

И портпаролот на Кремљ, Дмитриј Песков, рече дека не сака да ја коментира изјавата на Макрон за актуелната состојба на НАТО.

„Без разлика дали НАТО е жив или мртов, и кои од неговите делови се коматозни – не е за нас да одлучиме. Ние не сме патолози “.

Францускиот претседател во интервју за „Економист“ рече дека НАТО поминува низ „мозочна смрт“, како резултат на недостаток на координација и разбирање меѓу нејзините членки.

Германската канцеларка Ангела Меркел и шефот на НАТО, Јенс Столтенберг го отфрлија  „неразумниот избор на зборови на Макрон“.

SHARE