„Алијансата за Албанците го поддржува и охрабрува премиерот на земјата да го повика Собранието што поскоро да распише предвремени парламентарни избори за да се олесни и деблокира процесот на европска интеграција на земјата, кој е заложник од оваа влада.“
„За Албанците, изборите се единствениот спас од немоќните претставници на Албанците ВРЕДИ, кои сериозно ги изневерија очекувањата на Албанците.
ВРЕДИ ја презеде одговорноста за отстранување на балансерот и го замени со скандалозен закон за фер и соодветна застапеност, попречувајќи ги вистинските реформи.“
„Оваа политичка формација наречена ВРЕДИ немаше политичка моќ да овозможи полагање на правен испит на албански јазик за учениците Албанци и не ги поддржа, не го исполни ветувањето за уставни промени иако самите лидери на ВРЕДИ декларативно имаа услов за оваа влада, дури и се заканија дека ако не се спроведат уставните измени, ќе ја напуштиме владата, што не се случи, дозволи деградација на албанскиот јазик во институциите и донесе институционално понижување за Албанците“, велат од крилото на АА на Таравари.
Во соопштението уште се додава дека „Алијанса за Албанците постојано предупредува дека оваа влада со ВРЕДИ на власт нема ниту политички капацитет ниту демократска волја достоинствено да ги претставува граѓаните, особено Албанците, и да ја движи земјата напред, затоа повикуваме на граѓаните да им се дозволи преку нови, слободни, фер и демократски избори да ја земат својата судбина во свои раце, да одлучат кому ќе му веруваат правилно да ги претставува и да ги казнат со глас оние кои ја изневериле нивната доверба со тоа што не ги исполниле своите ветувања, почнувајќи од ВРЕДИ, велат од АА.