Дебарско Езеро и прекрасната природа околу Дебар бил дел од посетата на амбасадорката на САД во Македонија, која имала можност одблиску да ги почувствува убавините на овој дел од земјата.
,,Посебен дел од посетата беше дружењето со Дрилон Леши, сопственик на познатиот ресторан „Дрилон“ на Дебарско Езеро, кој лично ѝ го покажа езерото и неговите најубави природни предели”, стои во објавата.
Со прекрасните планини кои го опкружуваат езерото, мирната вода и уникатниот пејзаж, Дебарско Езеро е едно од оние места во Македонија кои можат да понудат поинакво, автентично туристичко искуство. Дебарското Езеро е вештачка акумулација создадена на Црн Дрим, во непосредна близина на Дебар.
Посетата на американската амбасадорка е уште една можност да се потсетиме дека западна Македонија има природни убавини кои заслужуваат многу поголема туристичка промоција.
📍 Дебарско Езеро – место кое треба да го ставите на вашата листа за посета, пишуваат од патување.мк