Македонија

Чесите утринава ќе се вклучат во гаснење на опасниот пожар на планината Готен – најавена е помош и од Словенија

Хеликоптерот „Блек Хок“ од Чешка од денес утринава ќе се вклучи во гаснењето на пожарот на планината Готен. Ова го најави директорот на Дирекцијата за заштита и спасување Стојанче Ангелов. Леталото со седумчлениот екипаж слета на аеродромот во Скопје вчера попладнето. „Испраќаме уште еден хеликоптер за помош. Овој пат дестинацијата на нашата екипа е Македонија. […]

2 минути за читање

Хеликоптерот „Блек Хок“ од Чешка од денес утринава ќе се вклучи во гаснењето на пожарот на планината Готен. Ова го најави директорот на Дирекцијата за заштита и спасување Стојанче Ангелов. Леталото со седумчлениот екипаж слета на аеродромот во Скопје вчера попладнето.

„Испраќаме уште еден хеликоптер за помош. Овој пат дестинацијата на нашата екипа е Македонија. Слично како во Грција и Бугарија, каде што нашите пожарникари се веќе распоредени, и ние ќе се бориме со шумски пожари тука како дел од мисијата.  Одредот се состои од 4 члена на екипажот на хеликоптерот и 3 пожарникари. @eu_echo“ – објавија Чесите вчера пред доаѓањето во Република Македонија.

Чешкиот хеликоптерот има големо ведро од 3,4 тони вода. Најавено е дека во гаснењето на пожарот ќе бидат вклучени и 62 пожарникари од Словенија со 18 специјални противпожарни возила, чие доаѓање беше, исто така најавено во Берово. Стојанче Ангелов изјави вчера попладнето дека пожарот на планината Готен е најопасен. „,Најголем предизвик моментно претставува пожарот на планината Готен, кој има два крака – едниот се движи кон радовишката страна, а вториот кон беровската страна. Во однос на кракот на пожарот кон радовишката страна тој ги загрозуваше селата Подареш, Јарболица, Злеово и други населби на западната падина на планината. Огнената стихија беше ставена под целосна контрола, благодарение на силите на терен и месното население, кое масовно се вклучи. Сепак, има појава на ново разгорување кај едно од селата.“ – изјави Ангелов на вчера.

На теренот од радовишка страна дејствува и еден хеликоптер на МВР. Тој полни вода од браната кај село Злеово. Дополнително, на терен се ангажирани и шест пинцгауери на ДЗС од радовишка страна, како и четири БТР и четири хермелини, стратегиски поставени над селата и околу нив, за да се создаде водена пречка. Во гаснењето од радовишка страна учествуваа и 60 припадници на Армијата на Македонија и 30 припадници на полицијата. Од беровската страна беа распоредени 40 припадници на Армијата на Македонија, 25 припадници на специјалните единици, и 18 припадници на ДЗС. Тие даваат поддршка на локалните пожарникари од Берово.

Информативна агенција „Нетпрес“

 

 

Најнови вести од: Македонија

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

Сите вести од Македонија

Најнови вести

To top