Министерството за правда соопшти дека Никола Груевски, и покрај објавите за стекнување унгарско државјанство, останува државјанин на Република Македонија и дека постапката за неговата екстрадиција продолжува согласно домашното законодавство и меѓународните конвенции.
„Независно од сите шпекулации и неофицијални информации за евентуалниот статус што го има во Унгарија, Никола Груевски останува државјанин на Република Северна Македонија и е лице кое е предмет на правосилни судски одлуки и активни постапки“, се вели во соопштението.
Од Министерството додаваат дека во рамки на своите надлежности ќе продолжат да ги преземаат сите неопходни правни и дипломатски чекори во комуникација со надлежните органи на Унгарија.
Премиерот Христијан Мицкоски, одговарајќи на новинарско прашање, изјави дека Владата нема официјална потврда за наводното унгарско државјанство на Груевски.
Опозициската СДСМ повторно реагираше, барајќи транспарентност и забрзување на постапката за екстрадиција, притоа изразувајќи сомнежи дека Груевски поседува повеќе државјанства.
Прашањето повторно е актуелизирано по изјавите на новиот унгарски премиер Петер Маѓар, но и по објавата на унгарскиот портал „ВиСквер“ дека Груевски наводно уште во 2022 година стекнал унгарско државјанство, кое нуди посилна правна заштита.
Груевски е унгарски државјанин, неговата екстрадиција е речиси невозможна