Елизабет Наумовски (Elizabeth Naumovski) е Канадска државјанка со македонско потекло чие обраќање и солзи расплакаа стотици луѓе во вилата Водно.
На церемонијата во вилата Водно каде во понеделникот претседателката Гордана Сиљановска-Давкова ги врачи наградите ,,Македонија 2025″ лауреатката Елизабет Наумовски се расплака од силните емоции.
,,Ме воспитуваа моите македонски родители, кои всушност… ми ги дадоа сите вредности. Ми го дадоа јазикот. Ми го дадоа орото. Ми дадоа сѐ за што сум тука и што го претставувам. Кога ќе го чујам тапанот, крвта ми игра. Тоа е Македонија за мене. Ќе го чуеш тапанот и МОРАШ ДА ОДИШ. И работев многу напорно со децении да ја промовирам финансиската писменост кај жените и да ги еманципирам жените. И оваа награда е уште послатка бидејќи ја добивам од првата жена претседателка Гордана Сиљановска-Давкова, ти си инспирација за сите жени и сум многу благодарна што ми ја даде оваа награда. И само сакам да ви се заблагодарам вам, на жирито, на моите родители. Јас сум Македонка и секогаш ќе бидам”, порача Наумовски во својот краток, но многу емоционален говор.
Наумовски е позната како активистка за финансиска писменост, застапничка за женските права, телевизиска водителка, говорничка и бизнис професионалка.
Таа е водителка на ТВ шоуто EMPOWERED with (претходно „Finance is Personal“) на News Forum Network, каде што се фокусира на финансиска едукација, empowerment на жени и практични совети за живот.
Има над 25 години искуство на Bay Street (финансиски центар во Торонто). Работи во маркетинг, корпоративни комуникации и односи со инвеститори (на пр. во Caldwell Securities и Urbana Corporation).
Награди:
Македонија 2025
Queen’s Platinum Jubilee Award (2022) за придонес кон заедницата.
Wealth Professional IFSE Institute Award for Financial Literacy Champion (2019 и 2021).
Активности во македонската дијаспора:
Член на Advisory Council на United Macedonian Diaspora (UMD), модераторка и водителка на нивни настани, вклучително гала и самити.
Други ангажмани: Хуманитарка (редовно дава крв), менторка за млади жени, основачка на стипендија за самохрани мајки во STEM на Mohawk College, учесничка во спортски предизвици (Tough Mudder, планинарење итн.).
На кратко — успешна и инспиративна жена која ги комбинира професионалниот успех, активизам и врските со Македонија.