„Фол“: Големо е незадоволството меѓу „интегративците“, оти од општини со „тежина“ им останаа само Тетово и Чаир, а другите им ги препуштија на другите партии-сојузници!

„Демократската унија за интеграција почна да ги објавува имињата на кандидатите за градоначалник. Паѓа в очи дека лидерот на оваа партија Али Ахмети, се откажа од многу општини, кои им ги препушти на политичките сојузници, кои се одвоени и од самиот него.“ – објави информативниот портал на албански јазик „Фол“.

Натаму порталот пишува: Меѓу општините од кои Ахмети се откажал е и Теарце. Така лидерот на „интегристите“ реши да не го кандидира повторно сегашниот претседател на општина Теарце Нухи Незири, давајќи ѝ предност на кандидатурата на Назим Таипи од Алијансата за Албанците.

Незадоволството кај „интегративците“ е големо, бидејќи од општините со „тежина“ на ДУИ ѝ останаа само Тетово и Чаир, додека другите општини се оставени во рацете на други партии.