„Арбен Таравари сè уште не се одлучил и продолжува со политичките игри меѓу двата табора. Таравари продолжува да му предлага на премиерот и лидер на ВМРО ДПМНЕ Христијан Мицкоски да ја земат ДУИ во владата и да го отстранат дел од Вреди, поточно Изет Меџити, а Зијадин Села да го остават во опозиција со него.“ – објави информативниот портал на албански јазик „Фол“.
Натаму порталот пишува: Но, од друга страна, партиски извори за „Инфошќип“ велат дека Таравари речиси секој ден испраќа посредници до крилото на Зијадин Села, преку кои предлага повторно обединување на Алијансата за Албанците и заедно да влезат во Владата и да ја остават ДУИ сама во опозиција со помалите партии од Европскиот фронт.
Според ова сценарио, Таравари бара обединетата Алијанса за Албанците да се натпреварува во сите општини, делејќи ги 50-50 со крилото на Села, и каде и да се појават во вториот круг, да склучуваат дополнителни договори со Вреди за поддршка во реципрочните општини. – објави „Фол“.