Се уше гори на неколку делови од Македонија. За сега, три пожари се под контрола, а 18 се изгаснати, информира Дирекцијата за заштита и спасување. Според информацијата на ЦУК, активни се пожарите во Василево, с.Нивичино, каде гори нискостеблеста шума, во Македонски Брод, во с.Грешница, со зафатена мешана шума и ниска вегетација, како и помеѓу с.Црешнево, с.Локвица, с.Крапа, каде гори деградирана дабова шума, грмушки и ниска вегетација, и во Прилеп помеѓу селата Царевиќ и Смолани, мешана шума и ниска вегетација.
Под контрола се шумскиот пожар во Желино, како и пожарите во тетовско Фалише (ниска вегетација) и во Велес кај селата Џидимирци – Крушје – Иванковци (мешана нискостеблеста деградирана шума).
Состојба на пожари (19.07.2025 до 20:30 часот)
На територијата на државата се евидентирани вкупно 27 пожари на отворен простор, од кои:
4 активни
5 под контрола
18 изгаснати
⸻
АКТИВНИ: 4
1. Општина Василево: с. Нивичино (нискостеблеста шума, смрека, грмушки и сува трева)
2. Општина Македонски Брод 1: с. Грешница (мешана шума и ниска вегетација)
3. Општина Македонски Брод 2 (реактивиран): помеѓу с. Црешнево, с. Локвица, с. Крапа (деградирана дабова шума, грмушки и ниска вегетација)
4. Општина Прилеп: помеѓу селата Царевиќ и Смолани (мешана шума и ниска вегетација)
ПОД КОНТРОЛА: 5
1. Општина Желино: с. Желино према Еребино (нискостеблеста шума, грмушки и ниска вегетација)
2. Општина Македонски Брод: с. Слатина (смрека, сува трева и друга ниска вегетација)
3. Општина Велес: кај селата Џидимирци – Крушје – Иванковци (мешана нискостеблеста деградирана шума)
4. Општина Свети Николе: с. Орел – с. Ѓуѓанци (смреки и ниска вегетација)
5. Општина Старо Нагоричане: с. Орах (сува трева)
⸻
ИЗГАСНАТИ: 18
1. Студеничани: Горно Количани (ѓубре и сува трева)
2. Бутел: кај гробишта Бутел (сува трева)
3. Сарај: на обиколница Сарај (ѓубре и сува трева)
4. Кисела Вода: ул. Сердарот (ѓубре и сува трева)
5. Крушево: Градска депонија (ѓубре)
6. Демир Хисар: Градска депонија (ѓубре)
7. Ресен: помеѓу с. Прељубље и с. Покрвеник (ниска вегетација)
8. Дојран: с. Николич (нискостеблеста шума)
9. Струга: с. Ложани (нива со жито и стрниште)
10. Свети Николе: с. Немањици (ниска вегетација и фотоволтаици)
11. Штип: с. Аргулица (сува трева)
12. Кочани: с. Мојанце (стрниште)
13. Куманово: с. Четирце (ниска вегетација)
14. Липково: с. Ваксинце (сува трева)
15. Тетово: Фалише (ниска вегетација)
16. Брвеница: с. Теново (депонија)
17. Гостивар 1: с. Дебреше (ниска вегетација)
18. Гостивар 2: с. Врањевци (ѓубре, багрем и ниска вегетација)