Екс министерот на СДСМ Љубомир Фрчкоски кој важи за идеолог на Бихаќка повика да се гласа за независниот кандидат за градоначалник на Кочани Венко Крстевски.
Во својата последна колумна Фрчкоски повика да се гласа за човекот кој по првиот круг се сретна со Зоран Заев а предизвика многу реакции откако го прозва Панчо од ДНК пред неговата смрт.
Крстевски ја збуни јавноста откако по првиот круг во тажниот град Кочани со труби го прослави пласманот во вториот круг.
Фрчкоски целата вина за Кочани ја фрла на ВМРО-ДПМНЕ иако неговата партија СДСМ цели седум години ја толерирала незаконитоста во дискотеката на смртта Пулс.
Екс министерот и амбасадор бара СДСМ да се обедини околу Крстевски.
,,Треба да се направи се’ околу обединување на опозиционите сили околу независниот кандидат и да се обиде да се сопре злото. Тоа во Кочани така треба да се нарече – зло. Не системот бил крив, не сите сме виновни – злото треба да се спречи и победи во Кочани”, пишува Фрчкоски во својата последна колумна.