Македонија

Германска ,,инвазија” на Чашка, младо и старо игра на ,,Македонско девојче” (ВИДЕО)

Прекрасно дружење на брегот на Бабуна

Жител на Село Согле, општина Чашка информира за одлична приказна која се случува во општина Чашка каде што околу 400 извидници од Германија и Македонија заедно со месното население имаат незаборавни денови.

 

 

На ден 24.07.2025 година во селото пристигнал автобус со германски регистарски таблички со група од 50-тина извидници, младинци од разни краеви на Германија, со задача да подготват логор за претстој на преку 350 извидници кои требало да се пристигнат и да се сместат две недели.

 

 

,,За кусо време, на имотот на еден од селаните со име Мемсуд, пензионер, поранешен шумски работник, покрај преубавата планинска река Бабуна, поставија шатори, од куќата на Мемсуд приклучија кабли за електрична енергија и црева за питка вода. Услови идеални за извиднички камп. Месната заедница уреди вир на реката во кој децата редовно се капеа, се приспособија и тушеви за туширање после капењето во реката. Може да се каже дека се направи плажа со сите нишани”, раскажува Слободан Цобе Илиевски кој раскажува дека по кусо време пристигнал и главниот дел на извидниците.

,,Селото живна како никогаш до тогаш, никогаш немало толкав број на луѓе во селото. Покрај своите редовни планирани активности, извидниците се организираа и зедоа учество во повеќе активности од корист на селото и селаните. Се чистеа, зарастени со капини и треви, делови во селото, подвозници на патот каде течат потоци, канали покрај патот. Се метеа и чистеа селските улици. Се оспособија и офарба стативите на селското фудбалско игралиште, се поправија и офарбаа реквизитите во детскиот парк. Во екот на пожарите, меѓу првите, со две комбиња и 20 души, извидниците зедоа учество во гаснење на пожарот над с.Богомила. Селаните беа презадоволни од престојот и активностите на извидниците, остварија меѓусебни дружења. Јазикот не беше проблем, комуницираа многу лесно затоа што од селото голем број луѓе се на печалба во Германија а беа дојдени на одмор во родното крај. Тие што не го знаат јазикот ги користеа своите соселан како преведувачи.

Вечерта на 06.08.2025 година извидниците организираа прослава на која беа поканети сите жители од селото. Имаа свој оркестар. Прекрасно беше да се види дружба на млади луѓе со повозрасни мештани. За пофалба е што музичарите, млади деца, за кусо време ја извежбале македонската народна песна “Македонско девојче”, на која се разви македонско оро се мештаните учествуваа во нивните игри. Се создаде прекрасна атмосфера.

Месната заедница и жителите од с.Согле се крајно благодарни за се што сторија прекрасните млади луѓе од Сојузна република Германија.

Среќен ви пат за својата татковина и довидување во следна прилика”, раскажува Цобе.

 

 

,,Сето напред опишано помина како што помина. Се поставува прашањето, зошто ниту една македонска институција (републички институција на извидници, локална самоуправа – општина Чашка, владина институција и тн., не организираше ангажирање на средствата за информирање да сето тоа биде обзнането во македонската јавност што веројатно ќе беше пренесено и од страна на германските јавни гласила.

 

Едноставно, не знаеме да си се пофалиме за вложениот труд, по било кое прашање во животот.

 

п.с. – Мештаните имаат забелешка на односот на одговорните лица од општината Чашка кои не нашле за потребно да воопшто се појават пред младите луѓе. Навистина, малку е чудно и несфатливо, да имаш толкав број гости од една светски видна земја – Германија на своја територија а воопшто да не се заинтересираш за нив”, пишува Илиевски.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top