Андреас Ворилас, пратеник на партијата Ники побара владата во Атина да реагира за користењето на Сонцето од Кутлеш од страна на Македонци во Германија.
Ворилас важи за радикален грчки политичар кој има цврст став за македонското прашање при што негира постење на Македонци различни од Грците.
Пратеникот поднесе пратеничко прашање од говорницата на грчкиот Парламент до министерот за надворешни работи, истакнувајќи наводен проблем во Германија, поточно во Хановер каде работи училиште кое има настава македонски јазик а е поврзано со македонскиот клуб „Илинден“.
Според Ворилас употребата на Сонцето од Кутлеш или Вергина на грчки од Македонците во Германија е пропаганда што промовира „псевдо-македонски идентитет“.
Ворилас ги карактеризира овие дејствија на Македонците како пропаганда и фалсификување на историјата.
Тој бара од грчката влада да реагира дипломатски, бидејќи верува дека ваквите активности во Европа и Германија го поткопуваат грчкото историско наследство и грчка Македонија како исклучиво грчка.
Ова е дел од општиот став на партијата Ники која не признава според нив, неоснован „македонски“ национален идентитет, јазик и симболи што припаѓаат на грчката историја како на пример Александар Велики, Филип, Сонцето од Вергина. Ворилас е прилично активен пратеник кој често го покренува ова прашање во Парламентот и во медиумите.
Грчкиот пратеник што ги оспорува Македонците доби одговор