Потпретседателот на македонското собрание Антонио Милошоски забележува дека мотивирана група, сокриена позади анонимни профили, цел ден со усогласен настап по социјалнире мрежи ги плаши граѓаните по однос на исправноста на водата за пиење во Скопје.
,,Класичен пример на организирано ширење паника, дезинформации со цел да се предизвика страв и вознемиреност кај населението, и девалвирање на довербата во институциите”, пишува заменик спикерот на парламентот кој објавува написи со кои се крева паника.
Милошоски потсетува дека и во времето на убиството на 8 македонски специјалци во кумановско Диво Насеље на сличен начин се ширела паника а ситуацијата ја искористил таканаречен доајен на македонското новинарство кој лажел за девалвација на денарот.
,,Нешто слично се случуваше за време на “Диво Насеље”, кога еден т.н. доајен на новинарството ја пласираше дезинформацијата дека следува девалвација на денарот, која создаде несигурност, страв и политичка штета, иако никогаш не се случи”, потсетува Милошоски.