Секторот за внатрешни работи од Куманово во соработка со Одделот за внатрешна контрола, криминалистички истраги и професионални стандарди при МВР, до Основното јавно обвинителство Куманово поднесе кривична пријава против М.П.(43) од Куманово, вработена во МВР – Одделение за управни работи Куманово, поради сомнежи дека сторила кривично дело „злоупотреба на службена положба и овластување“, Кривична пријава има и против Ф.Т. (29) од Куманово, вработен како контролор во станица за технички прегледи во Куманово, поради сомнежи дека сторил кривични дела „фалсификување исправа“ и „употреба на исправа со невистинита содржина“. Кривични пријави се поднесени и против: Б.П.(35) од Куманово, поради сомнежи за сторено кривично дело „прикривање стока, што е предмет на криумчарење и царинска измама“, против Д.З.(34) од Куманово, поради сомнежи за „давање лажен исказ“ и и „прикривање стока, што е предмет на криумчарење и царинска измама“, како и против К.П.(39), М.П.(37), Д.М. (36), Д.С.(35), С.С.(40), М.М.(37) и М.М.(24), сите од Куманово, поради сомнежи за сторено кривично дело „прикривање стока, што е предмет на криумчарење и царинска измама“..
М.П. и Ф.Т. во текот на 2024 година се договориле Ф.Т. да наоѓа сопственици на моторни возила, кои сопствениците со странски регистарски таблички ги управуваат на територија на државата и во соработка и договор со Б.П. ги наоѓале сопствениците и за половина од цената, што треба да jа платат за царински и други давачки заради увоз на половни моторни возила, М.П. ги регистрирала и ги внесувала во електронскиот систем на регистрирани моторни возила без да ги платат давачките за увоз на половни моторни возила, за сообраќајна дозвола, административни такси, такса за користење на регионални и локални патишта и надомест за издавање на регистарски таблички.
Ф.Т., користејќи го своето работно место, а откако претходно се договорил со Б.П. Д.З., К.П., М.П., Д.М., Д.С., С.С., М.М., и М.М., изготвувал електронски табели налик на табелата, која се издава од Бирото за метрологија при издавање хомологација за возила увезени од странство, во кои внесувал податоци за возилата.