Македонскиот бизнисмен од Швајцарија Васко Велески реагира на интервјуто на симболот на скандалот со фирмите Лионес/Лајконет Зоран Витанов на Канал 77 каде тој се соочува со уредникот на Радио Лидер Љупчо Златев.
,,Да бидеме јасни – Лионес/Ликонет/MyWorld функционираше како класична пирамида. На почеток луѓето добиваа „картичка за кешбек“, но потоа им нудеа да уплатат „аванси“ за наводни поголеми попусти и дури „акции“ што реално не постоеја. Дополнително, за секој нов член што ќе го донесеш – добиваш процент. Тоа е типичен синџир.
Витанов во интервјуто тврдеше дека биле партнери со Apple, а во други свои видеа зборувал за Migros. Јасно е дека си ги менува приказните како ќе му одговара, без никакви докази”, пишува Велески според кого Најголемиот апсурд е токму во видеото од Канал 77 на Фејсбук.
,,Витанов околу 38-та минута вели дека ако се зачлени неговата мајка – 1% оди кај неа, 1% на негово конто. Веќе во 39-та минута на прашање од новинарот тврди дека тој „не добивал ништо“.
Според Велески со овој исказ логично се поставува прашањето: како Зоран Витанов направил милиони ако навистина „не добивал ништо“?
Според него одговорот е очигледен – парите не доаѓале од реален кешбек, туку од уплатите на членовите, со манипулација и лажни ветувања.
,,🌍 Што се случуваше со Lyoness/Lyconet/MyWorld низ светот
• Во Норвешка, регулаторите (Lotteritilsynet) официјално ја забранија Lyoness како нелегална пирамидна шема.
• Во Италија, Антитруст-органите (AGCM) утврдија дека деловниот модел има карактер на пирамида и изрекоа санкции.
• Во Австрија, судови водеа постапки поради заблудувачки практики и недозволени продажни системи и фирмата банкротира.
• Во Полска, регулаторите предупредија дека системот има пирамидални елементи.
• Во повеќе земји (вклучително и Португалија) се отвораа истраги и судски постапки за измама и нелегални финансиски практики”, пишува Велески според кого
факт е дека Витанов свесно манипулирал со луѓето и заработувал од нивните уплати, а не од реален кешбек со кој ги врбувал членовите.
,,Факт е и дека многумина беа доволно наивни или жедни за „брза заработка“, па поверуваа во приказката „гледаш ТВ и заработуваш“, пишува Белески кој дава поука:
Пред да вложите пари во вакви „чуда“ и шеми за брзо богатење, проверете:
• кој стои зад проектот,
• кои се аргументите (и дали воопшто ги има),
• дали компанијата е правно и репутациски чиста.
Во случајот со Lyconet/MyWorld, со години постоеја скандали, забрани и истраги во повеќе држави—и тоа не беше тајна, заклучува Белески.
Што се кажуваше Витанов во емисијата на овој ЛИНК