На лидерската средба која завчера се случи во Клубот на пратеници, градоначалникот на Тетово Биљал Касами и лидер на БЕСА која е дел од владејачката коалиција ВЛЕН, пристигна со луксузно возило марка БМВ.
Откако јавноста реагираше на најмалку сто илјади евра вредното возило од тимот на Касами, велат дека возилото не е негово, туку дека тоа било позајмено откако неговото службено возило се расипало.
„Автомобилот со кој пристигнав не е моја сопственост, и покрај шпекулациите што кружеа во медиумите и социјалните мрежи. Тој автомобил беше користен привремено, бидејќи службениот автомобил моментално е на поправка. Мојот личен имот редовно се пријавува и е достапен за јавноста, во согласност со законот“, вели на Касами за СДК.
Повеќе медиуми објавуваат дека скапото BMW е во сопственост на негов вујко.
Буквите на регистарската табличка на возилото, одговараат на иницијалите на споменатиот роднина на Касами Р.А.
Богатиот вујко на Касами е сопственик на приватна градежна компанија основана пред 28 години
Таа соработувала и со јавни органи по пат на договори за јавни набавки.