Македонија

Македонија пред ,,Големо уво 2″, екс директор на АНБ може да заврши во затвор за следење новинари

Еден од двајцата директори се соочува со робија

2 минути за читање

Македонија се наоѓа пред нова афера со прислушување откако безбедносните служби проговорија за ,, Големо уво 2″, случај во кој екс директор на АНБ може да заврши во затвор за следење политичари, новинари и медиуми.

Агенцијата за национална безбедност пријавила поранешен директор и група вработени, истрагата открила незаконско следење на медиуми и опозициски контакти, јавува Лидер.мк.

Агенцијата за национална безбедност (АНБ), предводена од директорот Бојан Христовски, доставила три известувања до Јавното обвинителство против еден поранешен директор и група вработени. Причина за поднесоците е утврдено незаконско следење на опозициски лидер и повеќе медиуми во периодот од 2019 до 2024 година.

 

 

Извори од АНБ посочуваат дека во истиот период незаконски биле следени и јавен обвинител. Но и поранешен министер од тогашната влада, како и неколку новинари.

 

Внатрешната истрага на АНБ, спроведена по смената на власта и по доаѓањето на новиот директор Христовски, открила дека биле оформени предмети за оперативни обработки насочени кон медиуми и новинари. Според утврденото, нивната работа била оценета како закана со цел рушење на власта. Освен медиумите, предмет на обработка биле и нивните контакти од редовите на тогашната опозиција.

 

 

Дополнително, како цел на обработка биле наведени јавен обвинител и министер во поранешната влада. Истрагата утврдила и намерни одолговлекувања на безбедносни проверки. Како пример е посочен случајот со пратеник од опозицијата, кој чекал безбедносен сертификат, а постапката била намерно успорувана.

 

Во периодот биле злоупотребувани материјално-техничките ресурси на Агенцијата. Според наодите, незаконски се спроведувало и следење на комуникации на опозициски претставници и медиуми.

 

Со Агенцијата во спорниот период раководеле Виктор Димовски и Заре Милошевски.

Поврзани теми:

топ|кривична пријава|АНБ|директор|Виктор Димовски|Зарко Милошевски

Повеќе на оваа тема:

Најнови вести од: Македонија

(Фото галерија): Скопје наскоро ќе добие нов мултифункционален комплекс ТРИАНГЛА, современо место за уживање

Лоциран во општина Гази Баба, со влез на булеварот „Александар Македонски“, комплексот претставува нов современ концепт на малопродажен парк во источниот дел на Скопје. Инспириран од европските модели на отворени трговски комплекси, хотелиерство и урбани содржини за секојдневно уживање, проектот има цел да создаде нова значајна градска дестинација за жителите на Скопје и посетителите од регионот.

Никола Петров Русински: Македонија не е српска, ниту грчка, ниту бугарска! – Македонија е на Македонците!

„Македонија не е ниту српска, ниту грчка, ниту бугарска, ниту турска! Македонија е на Македонците!“ – порачал во почетокот на јули 1901 година Никола Петров Русински, кој во македонската национална историја останува запаметен како близок соработник на Гоце Делчев, Васил Главинов и на други истакнати македонски револуционери, но и како еден од основачите на четничкиот институт на Македонската револуционерна организација (МРО). Целиот живот го посветил на идејата „Македонија за Македонците“. Русински бескрајно многу ја сакал својата татковина, велел дека за него „цела Македонија му била роден крај“. Денес се навршуваат 83 години од неговата смрт.

Рама: „Мајката“ Урсула да не ги заборави своите „седум деца“ од Западниот Балкан! Неодржливо е да не сме на масата каде што се одлучува!

Европа денес има потреба од Западен Балкан колку што и ние имаме потреба од неа, а можеби и повеќе. Нашиот регион е во многу подобра позиција отколку пред неколку години и време е политички да стане дел од европското семејство, изјави албанскиот премиер Еди Рама во интервју за „Еуроњуз Србија“. Тој смета дека земјите од Западен Балкан повеќе не треба да бидат оставени настрана од европските процеси.

Летови со владин авион, хотелски трошоци и спорни набавки – ексдиректорот на СОЗР заработи кривична

За приватни потреби и без да постои основ го користел владиниот авион Лирџет 60, а при патувањата од сметката на СОЗР се вршени плаќања по разни основи. Освен тоа, за хотелски и угостителски услуги обвинетиот неосновано користел средства од службената картичка издадена на негово име

Осуденици ќе чистат од денес седум дена магистрални и регионални патишта – под постојан надѕор на затворската полиција!

Акцијата се реализира во соработка меѓу Управата за извршување на санкциите и ЈП „Македонија Пат“, согласно потпишаниот Меморандум за соработка за работно ангажирање на осудени лица.
Од денеска започна седумдневна работна акција за одржување на хигиената на магистралните и регионалните патишта низ државата, која ќе трае до 22 јули 2026 година.

Мицкоски: Владата има мандат до пролетта 2028, но подготвени сме да одговориме, ако бидеме предизвикани на предвремени избори

Премиерот Христијан Мицкоски го коментираше наметнувањето на темата за предвремени парламентарни избори од страна на опозицијата. „Опозицијата е оптоварена и тоа е нивен најголем проблем. Оваа Влада има мандат до пролетта 2028 година. Ние сме насочени на тој мандат, да го спроведеме она, што го очекуваат граѓаните го очекуваат од нас. Но, ако бидеме предизвикани, подготвени сме да одговориме на тој предизвик.“ – посочи Мицкоски.
Сите вести од Македонија

Најнови вести

To top