„Новоизбраниот претседател на општина Чаир Изет Меџити во интервју за ТВ Алсат М отворено зборуваше за можноста да ја преземе лидерската позиција во политичкото движење Вреди. Запрашан дали би прифатил да стане лидер на Вреди, Меџити одговори дека не избегнува од одговорноста, додавајќи дека таква одлука треба да биде резултат на целосно единство во коалицијата.“ – пренесе информативниот портал на албански јазик „Алмакос“.
Натаму порталот наведува: „Не избегнувам одговорност. Ако се согласат сите едногласно внатре во Вреди, тогаш јас прифаќам да ја водам како партија.“ – посочи Меџити.
„Неговата изјава доаѓа во момент кога по успехот на локалните избори, Вреди се гледа како главна политичка сила на Албанците во Македонија, додека внатре во коалицијата веќе се водат дискусии за идното структурирање како партија и за политичкото раководство. Меџити, кој забележа убедлива победа во Чаир, се гледа од многу аналитичари како консензуална личност, со широко политичко влијание и со потенцијал да ја консолидира Вреди како стабилна и модерна албанска сила во земјата.“ – објави „Алмакос“.