Министерот за надворешни работи и надворешна трговија на Република Македонија Тимчо Муцунски денес, на 7 јули 2025 година ќе оствари работна посета на Хаг и ќе се сретне со својот домаќин, првиот човек на холандската дипломатија, Каспар Велдкамп. Министерството за надворешни работи и надворешна трговија на Република Македонија извести дека главни теми во разговорот ќе бидат напредокот, развојот и изгледите на севкупните заемни политички и финансиски врски со Холандија, како и иднината на проширувањето на ЕУ., а во оваа насока и натамошната холандска помош за македонската европска интеграција.
Се очекува министрите да разменат гледишта и за тековните прашања, поврзани со внатрешно-политичките околности во двете држави, односите во Југоисточна Еропа и регионалната соработка.
Во Хаг министерот Муцунски, заедно со директорот на Дирекцијата за Технолошки индустриски развојни зони Гоце Димовски пред холандски бизнисмени во холандската агенција за претпријатија ќе ги претстават инвестициските можности, кои ги нуди Република Македонија, заради привлекување нови холандски инвестиции.