Министерот за надворешни работи и надворешна трговија, Тимчо Муцунски, денеска престојува во работна посета на Лондон.
Во британскиот Форин офис, Муцунски ќе оствари средба со државниот секретар за надворешни работи, Комонвелт и развој на Обединетото Кралство, Ивет Купер.
Во насока на унапредување на надворешната трговија и поттикнување на извозот, министерот Муцунски ќе присуствува на отворањето на првиот вински саем на земјите од Централна и Источна Европа во Лондон, а воедно ќе го посети и македонскиот павилјон на овој саем.
Муцунски претходно беше во работна посета на германската покраина Северна Рајна-Вестфалија, а по Лондон заминува во Даблин, каде ќе се сретне со министерката за надворешни работи и одбрана на Ирска, Хелен Мекенти.