Најновиот документарец на проектот Истражувачка Репортерска Лабораторија (ИРЛ), кој беше насловен како „Цената на правдата“, повеќе не е достапен на платформата YouTube.
Според образложението кое може да се види на сајтот на ИРЛ, документарецот е избришан поради кршење на авторски права.
Правата за дел од документарецот според објавата на Јутјуб се на порталот Плусинфо.
Најголемата светска платформа за споделување на видеа Јутјуб констатирала дека ИРЛ неовластено користела туѓи авторски дела.
Засега ниту ИРЛ која ја води Сашка Цверковска ниту Плусинфо каде пишува Бранко Героски не објавуваат што се случило.
Во избришаниот документарец, тимот на ИРЛ изнесуваше шокантни тврдења против обвинителите Хајрулахи и Цветановски, кои на пошироката јавност им станаа познати по тоа што сакаа да ги гонат обвинителите од екс СЈО: Катица Јанева, Фатиме Фетаи, Ленче Ристовска, Лиле Стефановска…
Случајот се однесуваше на незаконско делење на бонуси од неколку милиони евра од буџетот на СЈО.
Оваа контроверза со случај на кршење на авторски права на ИРЛ е трета во низа, откако ,,истражувачката лабораторија” за кој судот пресуди дека не е медиум, досега два пати беше осудена за клевета.