Македонија Бизнис

Народна банка најавува мерки за стабилизација на цената на становите

Народната банка располага со мерки и инструменти да одговори на сите предизвици за да имаме ниски и стабилни цени, уверува гувернерот Трајко Славески. Тој денеска информира дека НБ внимателно ги следи сите случувања и ги анализира изворите на скокот на цените.

3 минути за читање

Цената на становите, наедвижностите во земјава кои заминаа до небо се повод за загриженост на Народната банка. Гувернерот Трајко Славески рече дека веќе се подготвува сеопфатна анализа за причините за ваквата состојба и најави мерки, кои ќе вклучат и повеќе државни институции. Тој смета дека за стабилизирање на цените на недвижностите е потребен за да не дојде до сериозни социјални и економски проблеми.

  • Според мерењата направени досега цените на недвижностите се високи. Тоа е веќе причина за загриженост. Нардона бнака во консултација со другите институции ќе треба да го реши овој проблем. Би сакале да ги насочиме нашите активности кон јасна  дистинкција на она што значи кредитирање на граѓаните за решавање на станбено прашање, посебно на младите, од кредитирањето како инвестиција или во некој случај шпекулација во очекување на повисоки цени на становите. Затоа што сме свесни дека станот или куќата во кои живееме може да стане место за шпекулација бидејќи состојбата каква што е може да предизвика социјални и економски проблеми – рече Славески.

Тој денеска информира дека НБ внимателно ги следи сите случувања и ги анализира изворите на скокот на цените.

  • Очекуваме смирување на инфлацијата и подготвени сме ако е потребно да преземеме соодветни мерки, не можеме сами, зашто има мерки од даночната политика и други, но го работиме тоа и наскоро ќе има информација, рече Славески.
  • Се надеваме дека повеќето од факторите се еднократни, како поскапувањето на сезонското овошјето и зеленчукот и сметаме дека во иднина работите ќе се стабилизираат. НБ располага со мерки и инструменти да одговори на сите предизвици за да имаме ниски и стабилни цени зашто тоа е една од нашите законски цели. Во моментов вршиме сериозни анализи за растот на цените на недвижностите, особено на становите и тука подготвуваме мерки за кои ќе бидете информирани во иднина зашто според мерењата, растот на цените на недвижностите е причина за загриженост. НБ во комункација со другите институции, би сакала да ги насочи активностите кон јасна дистинкција меѓу кредитирањето на станови или објектите за живеење особено кај младите и кредитирањето на недвижностите кои се инвестиција или во некој случај шпекулација во очекување на натамошен раст на цените. Во оној момент кога станот или куќата ќе стане предмет на шпекулација, може да настанат сериозни социјални и економски проблеми и тука сме многу внимателни, потенцира гувернерот.

Поврзани теми:

топ

Најнови вести од: Македонија Бизнис

Донесени законите за судската и јавнообвинителската служба – значаен исчекор кон зајакнување на нивната самостојност, професионалност и ефикасност

Министерството за правда информира дека Собранието денеска ги донесе Законот за судска служба, еден од најзначајните реформски законски решенија во областа на правосудството усогласен со Реформската агенда и Развојната секторска стратегија за правосудство 2024–2028, како и Законот за јавнообвинителска служба со што се прави значаен исчекор кон зајакнување на самостојноста, професионалноста и ефикасноста на јавното обвинителство. Со донесувањето на Законот за судска служба се надминуваат долгогодишните системски слабости на постојното законско решение и се создаваат услови за поефикасно функционирање на судовите, преку јасно препознавање на специфичната улога на судските службеници во судската власт.

За три години во Македонија влегле над 11 милиони килограми млеко во прав

Додека официјалните статистики покажуваат раст на увозот на млеко во прав, домашните производители на млечни производи тврдат дека на македонскиот пазар во моментов залихите на млеко се поголеми од побарувачката и дека млекото во прав речиси и не се користи во производството на млечните производи. Истовремено, бројките покажуваат дека домашното производство на кравјо млеко повторно расте, но сè уште не го достигнало нивото од пред неколку години.

(Фото): Младите во фокус на Оперативниот план за вработување, 58% од планот е наменет за нив

Јавните повици за мерката „самовработување“ од Оперативниот план за вработување за 2026 година се активни до 3 јули 2026 година, информираа од министерството за економија и труд по денешните информативен каравани во Куманово, Гевгелија и Кавадарци. Преку оваа мерка невработените можат да добијат грантови од 7.000 до 10.000 евра за отворање сопствен бизнис.

Од 1 јули целосна забрана за движење во шумите низ Македонија

Министерството за земјоделство, шумарство и водостопанство ја известува јавноста дека согласно насоките од Владата како и барањата од корисниците на шумите – ЈП „Национални шуми“ и Националните паркови кои управуваат со заштитените подрачја, даде согласност за воведување на целосна забрана за движење во шумите и шумското земјиште.

Сторители на тешки кривични дела ги изиграле системот и судовите и со коруптивни лажни вештачења за нарушено здравје сместени во психијатриски установи!

Националниот превентивен механизам (НПМ) при Народниот правобранител, при контролата на психијатриската болница „Демир Хисар“ во декември 2025, затекнал 20-ина осуденици сторители на кривични дела кои не се со психичка болест, туку се здрави и пресметливи, но го изиграле системот и судовите преку коруптивни вештачења за нивно наводно нарушено здравје.

Македонија доби пристап до 4,4 милијарди евра од здравствените фондови на ЕУ – можност за приближување до европските стандарди и политики.

Македонија доби пристап до фондовите за здравство од 4,4 милијарди евра на Европската Унија (ЕУ). Министерот за здравство, Азир Алиу денеска кажа дека потпишувањето на Договорот за учество на Македонија во програмата „ЕУ фор хелт“ (EU4Health) е значаен чекор кон натамошно приближување на македонскиот здравствен систем до европските стандарди и политики. Програмата отвора можности за развој на проекти во областа на дигитално здравство, превенција и рана детекција на болести, скрининг-програмите, онкологија, кардиоваскуларно здравје, ментално здравје, подготвеност за здравствени кризи, пристапот до лекови и медицински производи, како и за јакнење на здравствениот кадар.
Сите вести од Македонија

Најнови вести

To top