Не е се така црно во Македонија – Пост инспириран од злобата на Фејсбук (СТАТУС НА ДЕНОТ)

Пост е инспириран од злобата на сите плукачи и хејтери

24. јули 2025. — 11:52 2 минути за читање

За разлика од огромен број на луѓе кои на социјалните мрежи укажуваат, се жалат или плукаат по негативни појави поранешна новинарка а сега дел од корпоративно миље пишува за позитивни работи што се случуваат во Македонија.

Целиот пост во целост:

Во нашиов прекрасен град Скопје може и позитивни работи да се случат.

Случај 1.

Втор ден воодушевена (тоа што некаде е нормално можеби) од однос на вработена од јавна институција.

Просто не ми се верува дека има се уште луѓе што си ја сакаат работата. Бркам некои документи, одам по шалтери хаос, однос и на луѓето-чекачи нула, од вработените кога-како, кнап со време, и ми вели таа на шалтер извади си електронски, наместо 5 дена за 1 час ќе го добиеш.

Половина ден го поминав обидувајќи се влезам на услуги.гов.мк, веб-страница што не сум ја користела којзнае од кога, измалтретирав пријателки, и на крај совет да ѕвонам во Министерство за дигитална трансформација. Искрено, до вчера не ни знаев дека постои.

ВЕДНАШ ми се јави девојче на централа и веднаш ме префрли до админстраторката која 40 мин ја “удавив” дур не ми помогна да го решам проблемот. За тоа време деца по дома викаат, бараат кој лижавче кој чоколадо кој сака играчка…јас само се извинувам….а таа ама не се секирајте, ќе завршиме. Еднаш глас не повиши, љубезна, трпелива, насмеана, уште и проблеми со софтверот на домашниот лап-топ ми реши – девојче чудо. Дури на крај ја прашав како се вика, па еве до Радмила од Министерство за дигитализација (по нашки) нааааајголема благодарност.

Случај 2.

Новите простории на МВР во МРТВ…. Конечно да се чувствуваш човек кога одиш по документи. Прво средено, убаво дизајнирано, мебел, шалтери, КЛИМАТИЗИРАНО, љубезни вработени….ко во друг свет да влегов. Колку малку треба за работите да врват.

Случај 3

И веројатно најубавото е европскиот младински олимписки фестивал. А бре убавина на сите страни, весели, среќни, возбудени деца, енергија од нив блика, возбуда, спорт, еден куп јазици и сите се разбираат на свој…..штета само што толку малку му обрнаа внимание во јавноста. Навистина штета.

Постов е инспириран од злобата на сите плукачи и хејтери што утрово ги прочитав на ФБ.

Поврзани теми:

топ|Не е се така црно во Македонија

Најнови вести од: Македонија

Промовиран порталот „Е-наука“ како национална база за истражувачите, науката и иновациите

Досега во „Е-наука“ се регистрирани 229 истражувачи, за кои се достапни податоци за образованието, вработувањето, научното звање, институцијата, научното поле, како и резултатите и индикаторите од базите „Веб оф сајнс“, „Скопус“ и „Гугл сколар“.

пред 1 час

(Видео): Дизелот над 100 денари ќе ги зголеми трошоците за храна, реагираат од опозицијата

Цените на дизелот надминаа 100 денари за литар. За 43% се покачени во изминатите 6 месеци. Што значи цените на храната повторно ќе растат, реагираат од опозицијата.

пред 2 часа

(Видео): Премиерот најави можно намалување на ДДВ за горивата

Премиерот Христијан Мицкоски најави можно намалување на ДДВ за горивата, откако нивните цени во изминатиов период повторно значително се зголемија.

пред 2 часа

Не е отпуштен ниеден наставник, иако во основното образование има 200 паралелки помалку, а во средното 100

Во моментот има околу 200 паралелки помалку во основното образование и 100 паралелки помалку во средното образование, соопшти министерката за образование и наука Весна Јаневска.

пред 2 часа

Мицкоски најави зголемување на пензиите: од септември редовно усогласување, се пресметува точниот износ

Премиерот Христијан Мицкоски потврди дека од следниот месец ќе има редовно зголемување на пензиите според процентуалното усогласувања предвидено со Законот за пензиското и инвалидското осигурување, посочувајќи дека сè уште траат пресметките за износот.

пред 3 часа

Владата донесе одлука за училишната кошничка: цените на училишниот прибор се намалуваат најмалку за 15 отсто!

Владата на Република Македонија денешната седница донесе одлука, со која се намалуваат цените на училишниот прибор во периодот од објавувањето на одлуката во „Службен весник“, односно од денеска, заклучно со 30 септември 2026 година.

пред 4 часа

Ангелов: Тешкиот пожар кај Градско ги загрозува селата Горно Чичево и Долно Чичево!

„Денес, на 25 август 2026 година пред 11 часот изби тежок пожар на територијата на општина Градско, во атарот меѓу селата Горно Чичево и Долно Чичево.“ – истакна директорот на Дирекцијата за заштита и спасување Стојанче Ангелов, дополнувајќи дека поради неговото ширење натаму пренасочени биле и „воздушните трактори“ од Китка.

пред 4 часа

Мицкоски: Направивме многу отстапки за ЕУ, но нè предадоа и нè излажаа, а сега бараат заедно со Бугарија пак да го менуваме Уставот, што е смешно!

„Македонија сака да биде дел од Европската унија и на тој пат направивме многу отстапки, кои, според бирократи од Брисел и од целиот свет, требаше да бидат последното нешто, што го направивме. Но, тие нè предадоа и нè излажаа!“ – истакнува претседателот на Владата на Република Македонија Христијан Мицкоски во интервју за американски „Брајтбарт њуз“ (Breitbart News).

пред 5 часа

Сите вести од Македонија