Македонија

Од денеска: Со Б категорија може да се вози мотоцикл до 125 cm³ по обука

Од МВР апелираат до граѓаните строго да ја почитуваат новата регулатива, бидејќи управувањето без потврда ќе се смета за прекршок и ќе повлече соодветни санкции.

Од денеска стапува во сила новиот Правилник со кој возачите кои поседуваат категорија Б (за патнички автомобили) добиваат можност да управуваат со мотоцикли до 125 cm³, но само откако ќе поминат задолжителна четиричасовна теоретска обука.

Министерството за внатрешни работи соопшти дека обуката е задолжителна и без издадена потврда од автошкола не е дозволено управување со такви мотоцикли.

Обуката опфаќа клучни теми за безбедноста:

  • правилна употреба на заштитна опрема,
  • контрола и стабилност на мотоциклот,
  • превоз на сопатник,
  • справување со ризици на патот.

По завршувањето на обуката, автошколата ќе издаде официјална потврда во А5 формат. Автошколите ќе ги доставуваат податоците директно до МВР, каде ќе се води единствена евиденција.

Од МВР апелираат до граѓаните строго да ја почитуваат новата регулатива, бидејќи управувањето без потврда ќе се смета за прекршок и ќе повлече соодветни санкции.

Најнови вести од: Македонија

Николоски од Виена: Реализираме инфраструктурни проекти вредни до 6 милијарди евра

Николоски нагласи и дека на Македонија ѝ се потребни меѓународни пријатели и силни партнерства, додавајќи дека преку ваквите форуми се создаваат можности за нови форми на институционална соработка со европските партнери.

(Фото): Ова е најтешкиот буџет, се враќаат две милијарди евра, ќе има и поголеми плати, најави министерката за финансии

Јавниот долг заклучно со третиот квартал годинава, според податоците од Министерството за финансии, изнесува 10 милијарди 930 милиони евра или 56,6 проценти од БДП. До крајот на годината, во согласност со сегашните проекции, би требало да изнесува 11.250 милиони евра или 58,2 проценти од БДП, а државниот долг да биде 51 процент.

Уставни измени во 2001: Треба да се спречи Македонија и целосно да ја изгуби својата „македонска душа“ како држава! (3)

Ноемвриските уставни амандмани од 2001 година „инсталираа“ „фабрички дефект“ во функционирањето на политичкиот систем преку воведувањето на „консензуалната“, „договорна демократија“, предвидена да ја практикуваат „етничките поглавари“ на Македонците и Албанците. Експертите посочуваат дека таквата „договорна демократија“ ја претвори Македонија во непрогласена „двонационална држава“ со „отворена перспектива“ наместо унитарна држава да стане и „двокантонална федерација“, или можеби и конфедерација. Сегашната претседателка на Република Македонија Гордана Силјановска-Давкова учествувајќи на една научна расправа во МАНУ пред 19 години, тогаш како професорка по уставно право и уставен систем, констатираше дека „во 2001 година врз македонската држава беше спроведен рамковен и уставен инженеринг во режија на меѓународната заедница“. Силјановска-Давкова уште тогаш имаше изнесено предупредување дека е реална заканата „Македонија да стане ‘држава без душа“.

Мицкоски за ужасниот напад врз девојката во Охрид: Жестоко го осудувам ова дивјаштво! – Сѐ ќе сториме сторителот да одговара пред правда!

Премиерот Христијан Мицкоски упати остра осуда за нападот врз младата девојка во Охрид, изразувајќи поддршка до нејзиното семејство, ветувајќи дека институциите ќе сторат сè сторителот да биде изведен пред лицето на правдата.

To top